Монгол дууны үг, шүлэгүүд: Take Off

Хуучин цүнхэндээ хувцасаа чихээд бас үүрээд би гарлаа
Хажуугийн мухлагаас тамхи авлаа гунигаа үлээлээ
Хэнд хайртай дуртай байснаа бодоод инээд хүрлээ
Хаачихыг минь бүү асуу би мэдэхгүй ч бас буцахгүй

ДХ: Дэндүү дэндүү гэмээр дассан сэтгэлдээ би
Дурсах зүйлгүй үлдсэн дутуу нэгэн дурлагч болоод
Дэвэргэн залуу насанд дэндүү гүн сорви үлдээсэн гэж
Дурлал чамайг дурсахдаа дундуур сэтгэж муулахгүй

Дурлалд автсан зүрхээ дагаад дураар би алхлаа
Дараагийн учралаас холхон явахаар хүслээ бас шийдлээ
Далд нуугдсан гомдолтой буцсанаа бодоод инээд хүрлээ
Дургүйг минь бүү асуу би хэлэхгүй ч бас мэдэхгүй ээ

ДХ:

Зургийн цомгоо удаан ширтсээр уйдаад би суулаа
Залуугийн гэнэн зангаас хоёул салаад бас холдлоо
Замд таарсан бүхэнтэй бодоод чамайг эргээд дурслаа
Зүрхийг минь бүү зовоо би хэлэхгүй ч бас буцахгүй ээ

ДХ:

Take Off - Би буцахгүй

Post a Comment

Хамтлаг дуучид

Бидний лого 1

Шилдэг дууны үг, шүлэгүүд

Сэтгэгдэлүүд

Зочид

Бидний лого 2