Монгол дууны үг, шүлэгүүд
Одоогийн байдлаар нийт

Анхаа, Халиунаа - Сүүн цагаан хурим

Анхаа, Халиунаа- Сүүн цагаан хурим
Хадгаа дэлгэн сүүгээн дээжилсэн
Ахмад настны буянт сургааль
Хажууд минь суугаа энхрий хань минь
Амьдралд багтсан хайрын мишээл

ДХ: Аав ээжийн минь ерөөл шингэсэн сүүн цагаан сэтгэл
Амраг хосын хайрыг гагансан сүүн цагаан хурим

Инээд баясал дуу хуурыг
Айзам түрсэн жаргалын өдөр
Идээний дээж амттан
Алгалсан анхны хайрын хуримын өдөр

ДХ: Ахан дүүсийн элбэрэл шингэсэн сүүн цагаан сэтгэл
Алаг үрсийн инээд зөгнөсөн сүүн цагаан хурим

Эх орондоо өргөө нэмсэн
Нар гийсэн ивээлт өдөр
Энхрий чамтайгаа амьдрал холбосон
Насаараа мартахгүй хуримын өдөр

ДХ: Анд нөхдийн минь итгэл шингэсэн сүүн цагаан сэтгэл
Аз жаргалын үүдийг нээсэн сүүн цагаан хурим
Аав ээжийн минь ерөөл шингэсэн сүүн цагаан сэтгэл
Амраг хосын хайрыг гагансан сүүн цагаан хурим


Үг, Ая: Г.Энхбаяр
0 comments:

Post a Comment

Хамтлаг дуучид


Шинэ сэтгэгдэлүүд

Зочид

Бидний лого 2

Бидний лого 2

Шинэ дууны үг, шүлэгүүд