Зам дээр гээгдсэн цэцэг
Торгон туузаар ороосон
Талын анхилам цэцэг
Тоос шороондоо дарагдан
Замын хажууд хэвтэнэ
Хэн түүнийг анх удаа
Хээрийн нугаас түүгээ бол
Хэрхэн юуны учраас
Харгуй зам дээр гээгээ бол
Халуун янагийн болзоондоо
Хархүү нямбай зэхээ юу
Хайртай хүүхнээ ирэхгүй болохоор
Хайран цэцгээ гээчихээ юу
Нэрэлхүү залуу ганган бүсгүй
Энхрий түүндээ өргөө юу
Хайхрамж муутай гуалиг залуу
Харанхуйд харахдаа хаячихаа юу
Ямар түүхтэй цэцэг вэ
Яагаад зам дээр хэвтэнэ вэ
Явдал учраа тоочин байж
Ярьж өгдөг ч болоосой
Цэлмүүн ~ Зам дээр гээгдсэн цэцэг
Post a Comment