Хэзээ чи намайг үнсэх вэ
Хэзээ би чамайг хөтлөх вэ
Хэзээ бид хоёр жаргах вэ
Зүрх минь хэзээ догдлох вэ
Хэзээ чи надад ирэх вэ
Хэзээ чи намайг тэврээд үнсэх вэ
Би чамд хайртай гэдгээ
Хэзээ ч зүрхэнд минь хадаж
Бороо шиг норгож орхих вэ
Хацар норгосон дуслуудыг
Нулимс байсныг мэдээгүй ч
Хэзээ чи намайг үнсэх вэ
Гэхдээ чи надад дурлахгүй ч гэлээ
Гуньсан бодлыг минь хайрлаж амьдраад
Гэхдээ чи саранд дурлахгүйгээр
Гэгээн хорвоогийн өнгийг өөртөө уусгаарай
Chorus:
Цэцгийн дэлбээ газраас өндийж
Хэзээ гадаа хавар болох вэ
Чи хэзээ намайг хайрлэх вэ
Гадаа орсон цасан өвлийг
Гуниг байсныг мэдээгүй ч
Хэзээ миний сэтгэл догдлох вэ
Зүрхэнд хэзээ өглөөний наран гийж
Зөөлөн уруул чинь хэзээ үнсэх вэ
Зүүдэнд минь дандаа шүүдэр шиг бууж
Зүггүй салхи шиг намайг хэзээ үнсэх вэ
Chorus:
Зүүдийг минь аргадаж чи минь наддаа ирсэн
Ирсэн чи ирсэн сэтгэл хэмээх хөлөгөөр
Холоос чамдаа би ирлээ би ирлээ 

Хотын гэрэл одод шиг гялалзана
Зөрөх хүмүүс танил юм шиг инээнэ
Аяны унаа зам дээр зогсоно
Амьдралыг тээж холыг зорино

Дурласан залуу хэн нэгэн рүү яарна
Зөн совин догдлол хүлээн зогсоно
Цас миний бодол санааг мэдрэн
Хотыг аргадан бударна

Дх:
Сайн сайхны гэрэл дор сэтгэл сэргэнэ
Сайхан хосууд хотыг чимэн дурсамж хөглөнө
Хайраар бүхнийг гэрлэн дохио шиг зохицуулж
Амьдралыг диваажин болгохсон

Сайн сайхны гэрэл дор сэтгэл сэргэнэ
Сайхан хосууд хотыг чимэн дурсамж асаана
Хайраар бүхнийг гэрлэн дохио шиг зохицуулж
Амьдралыг диваажин болгохсон

Сонин юутай байна гэж хүмүүс асууна
Амьдрал тэр чигээрээ гэнэтийн учралууд
Мартахын аргагүй миний хотын хэмнэлд
Уйдах завгүй нар, сарын хооронд

Дх:
Сайн сайхны гэрэл дор сэтгэл сэргэнэ
Сайхан хосууд хотыг чимэн дурсамж хөглөнө
Хайраар бүхнийг гэрлэн дохио шиг зохицуулж
Амьдралыг диваажин болгохсон

Сайн сайхны гэрэл дор сэтгэл сэргэнэ
Сайхан хосууд хотыг чимэн дурсамж асаана
Хайраар бүхнийг гэрлэн дохио шиг зохицуулж
Амьдралыг диваажин болгохсон

Нуугаад үлдэе гэж чамд би дурлаагүй ээ
Нууцхан харъя гэж чам руу гэж би очоогүй ээ
Дуулаад дуусгая гэж чамд би дуулаагүй ээ
Дурсаад үлдэе гэж чамайг би бодоогүй ээ

Дх:Надад чамаас өөр харамлах юм үгүй ээ
Надад чамаас өөр хайрлах хэн ч үгүй ээ
Өөрийнхөөрөө би чамайг тултал хайрлалаа
Харин чи над шиг дурлаж чадах уу

Уйлаад аргадуул гэж би чамайг гуйгаагүй ээ
Уйдаад салъя гэж чамд би хэлээгүй ээ
Ханилаад хагацая гэж чамайг би хайрлаагүй ээ
Хамтдаа дуусай гэж би чамайг сонгосон

Дх:Надад чамаас өөр харамлах юм үгүй ээ
Надад чамаас өөр хайрлах хэн ч үгүй ээ
Өөрийнхөөрөө би чамайг тултал хайрлалаа
Харин чи над шиг дурлаж чадах уу

Дх:Надад чамаас өөр харамлах юм үгүй ээ
Надад чамаас өөр хайрлах хэн ч үгүй ээ
Өөрийнхөөрөө би чамайг тултал хайрлалаа
Харин чи над шиг дурлаж чадах уу

Сэрсэн Монголын сэхүүн олон цугладаг миний тайз
Сэтгэлээ нээх олны түрлэг нүргэлсэн миний тайз
Наран саран бороо цас цагийг эзэлсэн миний тайз таньдаа
Насараа урлагийн олон бид чинь уухайлан мөргөж байна

Дх:Тайзан дээрээс уулзъя, тайзан дээрээ чуулъя
Талын Монголчуудаа, тайх ёслол эхэлж байна
Дөрвөн зүг найман зовхис
Тал хангай уул усны хийморьт удамт үрс чинь
Тайз таньдаа уухайлан сөгдөн мөргөе

Ухаарлын үүдийг нээж жаргалыг бэлгэлэгч миний тайз
Учиран золгох ерөөлөөр урин дууддаг миний тайз
Наран саран бороо цас цагийг эзэлсэн миний тайз таньдаа
Насаараа урлагийн олон бид чинь уухайлан мөргөж байна

Дх:Тайзан дээрээс уулзъя, тайзан дээрээ чуулъя
Талын Монголчуудаа, тайх ёслол эхэлж байна
Дөрвөн зүг найман зовхис
Тал хангай уул усны хийморьт удамт үрс чинь
Тайз таньдаа уухайлан сөгдөн мөргөе
Тайзан дээрээс уулзъя, тайзан дээрээ чуулъя
Талын Монголчуудаа, тайх ёслол эхэлж байна
Дөрвөн зүг найман зовхис
Тал хангай уул усны хийморьт удамт үрс чинь
Тайз таньдаа уухайлан сөгдөн мөргөе
Дөрвөн зүг найман зовхис
Тал хангай уул усны хийморьт удамт үрс чинь
Тайз таньдаа уухайлан мөргөе

Үг: Ж.Мөнхбат
Ая: Н.Халиун

Сүүлчийн цасыг гижигдэн ургасан
Анхны цэнхэр яргуй билээ би
Сүрэг хунгийн ганганаанд нахиалсан
Анхил модны навч нь билээ би

Салхитай хамт тэнгэрийг зүссэн
Танхил гэнэн дэгдээхэй билээ би
Сарны туяаг долгиондоо бүүвэйлсэн
Сайрт булгийн урсгал билээ би

Дахилт:
Газар ээжийгээ гомдоосон бол уучил
Гараг дэлхийгээ гандаасан бол уучил
Бүүвэй цэнхэр дэлхий таныгаа нандигнан хайрлая
Эргэх цэнхэр дэлхий таныгаа
Энгэртээ тэврэн дээдлэн хайрлая

Хөлд ороход зэрэглээ нь дэмнэсэн
Хөрст газрын униар билээ би
Хүүхэд насаа цэцгэнд нь гээсэн
Хүйн борхон толгод билээ би

Урсгал бүхнийг аргадаж элэгдсэн
Унасан газрын чулуу билээ би
Уяран дуулж насыг эхлэх
Унаган нутгийн охин билээ би

Дахилт:

Хөгжим: Б.Батчулуун
Шүлэг: Л.Энх-Амгалан (Нисванис)

Амьдрал гайхамшигтай
Амьдрал өнгөтэй
Амьдрал тун гайхамшигтай
Амьдрал амттай

Дахилт:
Ахыгаа дэлхий дээр буулгаад өгөөч
Ахыгаа буулгаад өгөөч

Амьдрал уйтгартай
Амьдрал өнгөгүй
Амьдрал тун уйтгартай
Амьдрал амтгүй

Дахилт:
Ахыгаа дэлхий дээр буулгаад өгөөч
Ахыгаа буулгаад өгөөч гэж тэр ярив
Тэр ахыгаа буулгаад өгөөч

Үүлийг үсийг чинь гэж боддог
Цасыг царайг чинь гэж боддог
Салхийг уруулыг чинь гэж боддог
Сарыг гунигийг чинь гэж боддог

Үснээс чинь би тэнгэр үнэрлэдэг
Царайнаас чинь би цас олдог
Уруулаас чинь би салхи залгидаг
Гунигаас чинь би сарыг хардаг

Үүлэн үстэй
Цасан царайтай
Салхин уруултай
Саран гунигтай
Хачин сайхан амраг юмаа чи
Хайраасаа харамламаар янаг юмаа чи
Хайраасаа ч харамлаж явья

Цэцгийг инээдийг чинь гэж боддог
Солонгыг сормуусыг чинь гэж боддог
Мананг бодлыг чинь гэж боддог
Марлыг зүүдийг чинь гэж боддог

Инээдээс чинь би цэцэг тасддаг
Сормууснаас чинь би солонго хайчилдаг
Бодлоос чинь би мананд төөрдөг
Зүүдээс чинь би марал түүдэг

Цэцгэн инээдтэй
Солонгон сормуустай
Манан бодолтой
Марал зүүдтэй
Хачин сайхан амраг юмаа чи
Хайраасаа харамламаар янаг юмаа чи
Хайраасаа ч харамлаж явья

Чиний тэр гоолиг биеийг
Надаас өөр хэн ч бүү тэврэг
Чиний тэр нандин хайрыг үгсийг
Надаас өөр хэн ч сонсохгүй байгаасай

Миний хайрын хүслийг
Чамаас өөр хэн ч бүү мэдрэг
Миний хайрын хүслийг
Чи хүлээж байгаа юу

(Миний хүслийг биелүүлээч
Хайрын хүслийг биелүүлээч)

Чамайг харсан тэр мөчөөс хойш
Чамтай уулзсан өдрөөс хойш
Цохилох зүрхэндээ би нэг л зүйлийг амласан

Аяа,
Орчлон дэлхийн өнгөний хоршил өөдөөс минь мишээж
Оньсого мэт орхин одчихов уу

Хайртай хүнгүй өнгөрүүлсэн мөчүүд
Хайргүй хүнтэй өнгөрүүлсэн шөнүүд
Хамаг өнгөрсөн амьдралын минь мөрүүдийг чи сарааччихав уу

Аяа,
Цав цагаахан хуудсан дээр цоо шинээр би
Чи минийх гэж томоор бичлээ

Дахилт:
Чи хэнийх ч бай
Чиний зүрх хаашаа ч бай
Ямар ч үнээр хамаагүй
Надад хариулт хэрэггүй чи минийх
Ямар ч үнээр хамаагүй
Чи минийх, чи минийх

Зулай дээрээс төөнөх наран
Жирэлзэх долгионд тусах саран
Үймэрсэн сэтгэлийг өлгийдөн цэгцэлж

Аяа,
Яв ягаахан уруулан дээр чинь шуналтайгаар би
Чи минийх гэж тачаан озсон

Дахилт:
Чиний зүрх хаашаа ч бай
Ямар ч үнээр хамаагүй
Надад хариулт хэрэггүй чи минийх
Чи хэнийх ч бай
Чиний зүрх хаашаа ч бай
Ямар ч үнээр хамаагүй
Надад хариулт хэрэггүй чи минийх

Гадаа минь бороог даллан
Урь чийг дагуулж ирээд
Солонго таттал инээмсэглэх
Тэр залууг хавар гэдэг

Гадаа минь цэцэг тариад
Хөхөөн дуутай яруухан үүрээр
Зүүд нь надтай зохилох
Тэр залууг зун гэдэг

Дахилт:
Ганцхан намайг гараад ирэхийг хүлээх
Гарцаагүй үнэнч хайраар дуудах
Жилийн дөрвөн улирал миний гадаа
Жинхэнэ дурлалыг зөгнөн зориод ирэхдээ
Надад дурлачихсан намайг хүлээсэн
Нараар дуудуулаад сараар болзох юм

Гадаа минь шувууд үдээд
Гандсан навчистай алхахдаа
Гунигаа надтай хуваалцах
Тэр залууг намар гэдэг

Гадаа минь цас будруулаад
Чарга хөлөглөн ирэхдээ
Жавар сэргэтэл дуулах
Тэр залууг өвөл гэдэг

Дахилт

Урсан одох цаг хугацаатай
Амьдралын дурсамж бүхнийг
Ээлжлэн хуваалцах
Намайг түшдэг дөрвөн улирал

Дахилт

Зөөлөн будрах цасанд
Энгэсэг сэргэн сэтгэл догдлуулна
Зөрөн өнгөрөх харцнаас
Инээд бэлэгэнд авах нь сайхан

Дх: Гэрэл цацрах хотын гудамж өнгөлөг
Гэгээ нэмсэн оддын туяа мөнгөлөг

Жавар уясаах үнсэлт
Уруул өнгөлөн хацарт гийнэ
Дурлалд дэвэрсэн өвлийн
Цасан үлгэрт итгэх би дуртай

Хаашаа л харна хөөрсөн сэтгэлд хаягласан
Хүслээр чимсэн илгээмж дүүрэн шинэ жил
Гэгээхэн, энхрийхэн, яруухан
Цагаахан ариухан шинэ жил

Хонгор чиний тэврэлт
Энгэр гоён цээжинд гэрэлтнэ
Хөл нийлсэн бүжгийн
Хэмнэлд автан дотносох нь энхрий

Дх: Гэрэл цацрах хотын гудамж өнгөлөг
Гэгээ нэмсэн сарны туяа мөнгөлөг

Дотно дулаан үгэнд
Гараа ээгээд зогсох нь таатай
Төөнөх халуун амьсгалд
Сормуус цантан дэрвийх нь дэгжин

Хаашаа л харна хөөрсөн сэтгэлд хаягласан
Хүслээр чимсэн илгээмж дүүрэн шинэ жил
Гэгээхэн, энхрийхэн, яруухан
Цагаахан ариухан шинэ жил

Ая: Ц.Чулуунбат /МУУГЗ/
Үг: Ш.Гүрбазар /МУСГЗ/
-----------------------------------------------------------------------
Хаа ч юм бэ уянгалах аялгуу
Хаанаас намайг дуудан эгшиглэнэ вэ
Зүүдэнд ирсэн нутгийн минь дуу юу
Зүрхэнд хоногшсон чиний минь шивнээ юу
Салхиар далласан нутгийн минь үнэр үү
Санааны үзүүрт совин татаа юу даа
Харийн газрын зүсрэх борооноор
Хайртай нутгаа үгүйлээд байх юм аа

Дх: Нутаг нутгийг дамжин гүйж очъё
Нуур далай тэнгисийг гатлан нисч хүрье би
Ээлжлэх 4 улирлын хэдийд байсан ч яах вэ
Эргээд мөдхөн гэртээ би харина
Эргээд мөдхөн гэртээ би харина

Тэнүүн уудам талаа би саналаа
Тэнгэрийн буман оддоо би саналаа
Сэрүүн анхилуун салхиа би саналаа
Сэтгэлд дотно найзуудаа би саналаа

Дх: Нутаг нутгийг дамжин гүйж очъё
Нуур далай тэнгисийг гатлан нисч хүрье би
Ээлжлэх 4 улирлын хэдийд байсан ч яах вэ
Эргээд мөдхөн гэртээ би харина
Эргээд мөдхөн гэртээ би харина /х2/

Хаана хүрдэгийг нь мэдэхгүй замаар
Хамхуул мэт жаргалтайгаар ниснэ
Хатсан талхаа шоргоолжинд үйрүүлж өгөөд
Хамаг хувцсаа тайчин хаяж алхахыг минь харсан
Харь гаригийн охин тэнгэр надад дурлаад
Хамаг сэтгэлээ илчлэн оддыг чулуудвал би яана

Ширээний чийдэнгээ асаагаад
Шүлэг мүлэг мэтийн шалдан юм бичээд
Шүгэлдэж сурахаар оролдож оролдож ядраад
Шүлсээрээ тоглон маяглаж суухад минь
Шинэ цаг хугацаа надад сэтгэл алдраад
Шилэн оймсоо тайлаад
Шилтэй дарс хувааж ууяа гэвэл би яана

Борооны дуслуудад шүлэг уншиж өгөөд
Цасан ширхгүүдэд онигоо ярьж өгөөд
Урсгал усанд амьдралаа яриад бүтэн жилийг өнгөрөөхөд
Орсон бороо хөрсөнд дусалгүй ууршаад
Хаялсан цас газар уналгүй хайлаад
Голын ус урсаагүй сонин жил байлаа гэсэн
Сонингийн гарчгууд хэвлэгдвэл би яана

Хот даяар сонсогдох хүчин чадал бүхий
Өндөр технологийн өсгөгч залгаад
Өглөөнөөс орой болтол шинэ дуугаа дуулахад
Байшин барилгууд далийгаад баримал хөшөөнүүд тэнээд
Байсан газраасаа хамаг юм хөдлөөд
Зам талбайнууд орооцолдон замбараагаа алдан
Зайгүй шавчихсан байвал би одоо яана
Байсан газраасаа хамаг юм хөдөлбөл би яана

Би бол цэцэг намайг услаарай
Үнэр нь анхилж байна
Би бол оньсого намайг таагаарай
Нууцыг нь дэлгээрэй
Би бол цаг хугацаа намайг тоолоорой
Урсан өнгөрч байна
Би бол юу ч биш намайг олоорой
Тоглоом эхэллээ

Дх: Намайг эрээрэй
Намайг олоорой
Надтай яриарай
Миний дугаар 2 3 4, 2 3 4, 234, 2 3 4

Би бол харанхуйд асах гэрэлт од
Намайг чиглээрэй
Би бол чиний сэтгэлд асах гал
Улам дүрэлзүүл
Би бол мөрөөдөл намайг хүсээрэй
Биелэж магадгүй
Би бол эрч хүч гандан буурашгүй
Надаар цэнэглээрэй

Дх: Намайг эрээрэй
Намайг олоорой
Надтай яриарай
Миний дугаар 2 3 4, 2 3 4, 234, 2 3 4

2 3 4, 2 3 4, 234, 2 3 4