Хотын гэрэл одод шиг гялалзана
Зөрөх хүмүүс танил юм шиг инээнэ
Аяны унаа зам дээр зогсоно
Амьдралыг тээж холыг зорино

Дурласан залуу хэн нэгэн рүү яарна
Зөн совин догдлол хүлээн зогсоно
Цас миний бодол санааг мэдрэн
Хотыг аргадан бударна

Дх:
Сайн сайхны гэрэл дор сэтгэл сэргэнэ
Сайхан хосууд хотыг чимэн дурсамж хөглөнө
Хайраар бүхнийг гэрлэн дохио шиг зохицуулж
Амьдралыг диваажин болгохсон

Сайн сайхны гэрэл дор сэтгэл сэргэнэ
Сайхан хосууд хотыг чимэн дурсамж асаана
Хайраар бүхнийг гэрлэн дохио шиг зохицуулж
Амьдралыг диваажин болгохсон

Сонин юутай байна гэж хүмүүс асууна
Амьдрал тэр чигээрээ гэнэтийн учралууд
Мартахын аргагүй миний хотын хэмнэлд
Уйдах завгүй нар, сарын хооронд

Дх:
Сайн сайхны гэрэл дор сэтгэл сэргэнэ
Сайхан хосууд хотыг чимэн дурсамж хөглөнө
Хайраар бүхнийг гэрлэн дохио шиг зохицуулж
Амьдралыг диваажин болгохсон

Сайн сайхны гэрэл дор сэтгэл сэргэнэ
Сайхан хосууд хотыг чимэн дурсамж асаана
Хайраар бүхнийг гэрлэн дохио шиг зохицуулж
Амьдралыг диваажин болгохсон

Гадаа минь бороог даллан
Урь чийг дагуулж ирээд
Солонго таттал инээмсэглэх
Тэр залууг хавар гэдэг

Гадаа минь цэцэг тариад
Хөхөөн дуутай яруухан үүрээр
Зүүд нь надтай зохилох
Тэр залууг зун гэдэг

Дахилт:
Ганцхан намайг гараад ирэхийг хүлээх
Гарцаагүй үнэнч хайраар дуудах
Жилийн дөрвөн улирал миний гадаа
Жинхэнэ дурлалыг зөгнөн зориод ирэхдээ
Надад дурлачихсан намайг хүлээсэн
Нараар дуудуулаад сараар болзох юм

Гадаа минь шувууд үдээд
Гандсан навчистай алхахдаа
Гунигаа надтай хуваалцах
Тэр залууг намар гэдэг

Гадаа минь цас будруулаад
Чарга хөлөглөн ирэхдээ
Жавар сэргэтэл дуулах
Тэр залууг өвөл гэдэг

Дахилт

Урсан одох цаг хугацаатай
Амьдралын дурсамж бүхнийг
Ээлжлэн хуваалцах
Намайг түшдэг дөрвөн улирал

Дахилт

Зөөлөн будрах цасанд
Энгэсэг сэргэн сэтгэл догдлуулна
Зөрөн өнгөрөх харцнаас
Инээд бэлэгэнд авах нь сайхан

Дх: Гэрэл цацрах хотын гудамж өнгөлөг
Гэгээ нэмсэн оддын туяа мөнгөлөг

Жавар уясаах үнсэлт
Уруул өнгөлөн хацарт гийнэ
Дурлалд дэвэрсэн өвлийн
Цасан үлгэрт итгэх би дуртай

Хаашаа л харна хөөрсөн сэтгэлд хаягласан
Хүслээр чимсэн илгээмж дүүрэн шинэ жил
Гэгээхэн, энхрийхэн, яруухан
Цагаахан ариухан шинэ жил

Хонгор чиний тэврэлт
Энгэр гоён цээжинд гэрэлтнэ
Хөл нийлсэн бүжгийн
Хэмнэлд автан дотносох нь энхрий

Дх: Гэрэл цацрах хотын гудамж өнгөлөг
Гэгээ нэмсэн сарны туяа мөнгөлөг

Дотно дулаан үгэнд
Гараа ээгээд зогсох нь таатай
Төөнөх халуун амьсгалд
Сормуус цантан дэрвийх нь дэгжин

Хаашаа л харна хөөрсөн сэтгэлд хаягласан
Хүслээр чимсэн илгээмж дүүрэн шинэ жил
Гэгээхэн, энхрийхэн, яруухан
Цагаахан ариухан шинэ жил

Ая: Ц.Чулуунбат /МУУГЗ/
Үг: Ш.Гүрбазар /МУСГЗ/
-----------------------------------------------------------------------
Хаа ч юм бэ уянгалах аялгуу
Хаанаас намайг дуудан эгшиглэнэ вэ
Зүүдэнд ирсэн нутгийн минь дуу юу
Зүрхэнд хоногшсон чиний минь шивнээ юу
Салхиар далласан нутгийн минь үнэр үү
Санааны үзүүрт совин татаа юу даа
Харийн газрын зүсрэх борооноор
Хайртай нутгаа үгүйлээд байх юм аа

Дх: Нутаг нутгийг дамжин гүйж очъё
Нуур далай тэнгисийг гатлан нисч хүрье би
Ээлжлэх 4 улирлын хэдийд байсан ч яах вэ
Эргээд мөдхөн гэртээ би харина
Эргээд мөдхөн гэртээ би харина

Тэнүүн уудам талаа би саналаа
Тэнгэрийн буман оддоо би саналаа
Сэрүүн анхилуун салхиа би саналаа
Сэтгэлд дотно найзуудаа би саналаа

Дх: Нутаг нутгийг дамжин гүйж очъё
Нуур далай тэнгисийг гатлан нисч хүрье би
Ээлжлэх 4 улирлын хэдийд байсан ч яах вэ
Эргээд мөдхөн гэртээ би харина
Эргээд мөдхөн гэртээ би харина /х2/

Ая С. Наран
Үг Б. Болорцэрэн
Хөгжмийн найруулга Г. Буян-Өлзий
Бөмбөр З. Золбоо
Гитар Д. Өлзий-Орших
Басс гитар Ц. Цогтбаяр
Нарийн бүрээ Т. Мөнхбат
Туслах хоолой Б. Баярцэцэг
Дууны бичлэг Рэгу. Р (Про-Саундс студид)
-------------------------------------------------

Зураач минь бийрээ ав
Амьдралын минь өнгө аясыг
Засаж чимэглэлгүйгээр
Алган дээр минь зураарай
Хамгийн гоё учралыг
Цэцгийн бороотой нь зураарай
Бараг л тэр зурганд
Балруулдаж арилгах өө сэв гарахгүй байх шүү

Зураач минь бийрээ ав
Хайрын минь дурсамжыг
Орхиж гээлгүйгээр
Харцан дээр минь зураарай
Хамгийн гоё үнсэлтийг
Халуухан уруултай нь зураарай
Үнэхээр тэр зурганд
Өөрчилж хувиргах илүү санаа таарахгүй байх шүү

Дх:
Мэргэн зөнч бийрээрээ
Амьдрал хайрыг
Үгээр минь зураарай
Үнсэлтээр будаарай
Инээд гунигтай нь
Энэ хэвээр нь дүрслээрэй
Үнэнээр нь зураарай

Хамгийн нандин агшин бүртээ
Инээд баяслаар өнгө нэмье
Амьдрал хайр уйтгар гуниг
Аз жаргалын тухай зураарай

Зураач минь бүхнийг зур
Гунигийн минь сүүдрийг
Нууж хаалгүйгээр
Нулимстай нь зураарай
Хамгийн уйтгартай үеийг
Намрын шувуутай нь зураарай
Тэгэхээр тэр зураг
Үнэлж барамгүй ганцхан хувь бүтээл болох юм шүү

Дх:

Тийм гүн ширтэлт сэтгэлд минь шингэсэн
Тэр хүлээсэн тэврэлт хайрыг минь сэрээсэн
Тийм дотно үнэрийг санах бүр би үгүйлсэн
Тйим энхрий үгийг сонсох бүр уйлсан

Би хайрласан
Би дуулсан
Хоёулаа хайлан ууссан

Тийм дулаахан харцанд тэсэлгүй дуралсан
Тийм сайхан хайранд нисэх мэт дүүлсэн

Би хайрласан
Би дуулсан
Хоёулаа хайлан ууссан