Цэлгэрхэн талаасаа чамайгаа хайлаа
Цээлийн ягаан цэцгүүд дүүрэн байлаа
Цээлийн ягаан цэцгийн дэлбээг
Цэвэрхэн чинийхээ царайтай зүйрлэлээ
Цээлийн ягаан цэцгийн дэлбээг
Цэвэрхэн чинийхээ царайтай зүйрлэлээ
Уудамхан талаасаа чамайгаа хайлаа
Улаан өнгийн цэцгүүд дүүрэн байлаа
Улаан өнгийн сарнай цэцгийн дэлбээг
Ухаалаг чинийхээ уруултай зүйрлэлээ
Улаан өнгийн сарнай цэцгийн дэлбээг
Ухаалаг чинийхээ уруултай зүйрлэлээ
Цайдамхан талаасаа чамайгаа хайлаа
Цагаан уул мөнхийн цэцгүүд байлаа
Цагаан өнгийн сарнай цэцгийн дэлбээг
Царайлаг чинийхээ царайтай зүйрлэлээ
Цагаан өнгийн сарнай цэцгийн дэлбээг
Царайлаг чинийхээ царайтай зүйрлэлээ 

Хилийн зүг юуны тулд
Хэний төлөө цэрэг эрчүүд
Бүхээгтэй ногоон машинтайгаа
Бүрэнхий үдшээр хаачина вэ хө
Дархан орныг минь хамгаалж
Даяар олныг минь өмгөөлөн зогсож
Атаат дайсныг өвдөглөн дархаар
Анд Зөвлөлтийн арми ирж байна
Зүсрэх сум тэсрэх бөмбөгийг
Зоригтой сөрсөн дайчин эрчүүд
Алтан хилийн сөөм газрыг
Амиараа нөхсөнийг бид мартаагүй
Монгол Орос мөр зэрэгцэн
Морин атак шууран ороод
Молцог элсээ улайран байсныг
Халхын гол мартаагүй
Умар зүг Сибирийн замд
Урт цуваа үелэн хөврөөд
Дуулгаа тайлсан цэрэг эрчүүд
Дуугаан дуулаад хаачина вэ хө
Дархан орныг минь хамгаалан босч
Даяар олныг минь өмгөөлөн зогсч
Атаат дайсныг өвдөглөн дарсан
Анд нөхөд минь буцаж явна *2 

Жигүүртэн хүрээгүй уулсын
Оргил тэргүүн дээгүүр
Жилдээ хүрэмгүй газарт
Өдөртөө очоод ирлээ
ДХ: Мөнгөн цагаан хүлэг минь
Дүүлж явна аа хө
Мөнгөн цагаан хөлгөө бариад
Дуулж явна аа би
Сумнаас тавьсан сум шиг
Салхи исгэрүүлэн цойлуулаад
Цэнхэр тэнгэрийн уудамдаа
Цэнгүүн явах жаргалтай
ДХ:
Буудалд угтах учирлын
Сайханд яаран тэмүүлсэн
Санаа цайлган хүмүүсийг
Саадгүй түргэн хүргэхээр
ДХ: Суман цагаан хөлөг минь
Дүүлж явна аа хө
Суман цагаан хөлгөө бариад
Дуулж явна аа би 

Ардын хувьсгалын дунд төрсөн
Алдарт монголын залуу арми
Анд Зөвлөлтийн дайчдын хамтаар
Ард түмнээ дарлалаас чөлөөлсөн
Дахилт:
Ялагдашгүй манай армийн хүч нь
Яруу алдарт намын жолоодлого
Хөрш Зөвлөлтийн их тусламж
Хөдөлмөрчдийн гүн дэмжлэгт байдаг
Халх гол, Хаалган, Жэ-Хэн тэнд
Хатан зоригт Зөвлөлтийн армитай
Хамтарсан хүчээр дайсныг дарж
Хайртай эх орноо хамгаалсан
Дахилт:
Эрэлхэг чадвараа эрс дээшлүүлж
Энх хөдөлмөрийн гялалзсан амжилтаар
Эв найрамдлын ариун үйлсийг
Эрэлхэг соргогоор хамгаалсан 

Дарийн утаанд халх гол үнэртэж
Дайчин эрс эх орныхоо төлөө
Дусал цусаа ч үл хайрласаар
Дуурсагдах алдраа мөнхөлсөн юм
Энэ бол 1945.08.23
Дууны ая хангинасан
Найрын дунд танилцаагүй
Бууны дуу тачигнасан
Дайны галд танилцсан юм
Нэгэн эхээс цуван төрж
Нэхий өлгий дамжаагүй юм
Цэргийн хуаранд ихэр болж
Цэгц журмын нөхөр болсон юм
ДХ: Саарал шинелээ тайлаагүй
Буурал найз минь хаа байна даа
Дарийн утаа үнэрлэж
Харийн манхныг хамт тууллаа
Халуун цус минь ижил урсаж
Залуу нас минь өнгөрлөө
Эргүүлж явсан сэлэмнээс минь
Энхийн салхи сэнгэнэсэн юм
Энхийн сэлэмны тэр аясаар
Мөнхийн тэнгэр цэлмэсэн юм
ДХ:
Дархан хотын барилга дээр үү
Торгон хилийн зааг дээр үү
Дараа нь би халагдаж
Дайчин нөхөр минь үлдсэн юм
Манаа хүртэл үдээд
Санаа алдан гар барьсан юм
Хорин жил зам салсан ч
Хоёр биеэ бид мартаагүй
Энгийн цэргийн бид хоёр
Эх орныхоо төлөө манаандаа
ДХ: *2 

Эгнээ зэрэгцээд эгнэн жигдэрсэн
Эрэлхэг цогтой дайчдын жагсаал
Эх орондоо тангараг өргөөд
Энгүй баяртай алхаж байна
ДХ: Нэг нэг нэг хоёр гурав
Нэг нэг нэг хоёр гурав
Хөл нийлүүлэн гараа гаргаад
Хөгжмийн аясаар алхаж байна аа
Жанжин тугаа өндөрт өргөөд
Жавхаа хийморио мөнхөд бадруулаад
Далай жаргалаа хамгаалах хүчээ
Даяар олондоо батлан харуулна
ДХ:
Азтай багачууд баясан инээгээд
Ахмад дайчид бахдан мишээгээд
Амраг бүсгүйчүүд цэцэг өргөөд
Ард олноороо энхийг ерөөнө
ДХ: *2