Монгол дууны үг, шүлэгүүд: Гантулга

Хилийн зүг юуны тулд
Хэний төлөө цэрэг эрчүүд
Бүхээгтэй ногоон машинтайгаа
Бүрэнхий үдшээр хаачина вэ хө

Дархан орныг минь хамгаалж
Даяар олныг минь өмгөөлөн зогсож
Атаат дайсныг өвдөглөн дархаар
Анд Зөвлөлтийн арми ирж байна

Зүсрэх сум тэсрэх бөмбөгийг
Зоригтой сөрсөн дайчин эрчүүд
Алтан хилийн сөөм газрыг
Амиараа нөхсөнийг бид мартаагүй

Монгол Орос мөр зэрэгцэн
Морин атак шууран ороод
Молцог элсээ улайран байсныг
Халхын гол мартаагүй

Умар зүг Сибирийн замд
Урт цуваа үелэн хөврөөд
Дуулгаа тайлсан цэрэг эрчүүд
Дуугаан дуулаад хаачина вэ хө

Дархан орныг минь хамгаалан босч
Даяар олныг минь өмгөөлөн зогсч
Атаат дайсныг өвдөглөн дарсан
Анд нөхөд минь буцаж явна *2

Гантулга - Торгон хил

Post a Comment

Хамтлаг дуучид

Бидний лого 1

Шилдэг дууны үг, шүлэгүүд

Сэтгэгдэлүүд

Зочид

Бидний лого 2