Yг: Ү.Хүрэлбаатар ,Заяа
Aя: Г.Жаргалсайхан

Энэ сайхан охидруу гэнэ алдан харсан
Учир нь эр хүний гэм биш зан
Ийм сайхан гарыг атгахгүй өнгөрч болно гэж үү
Ийм туяхан хөлийг анзаарахгүй орхино гэж үү
Ийм сайхан үсийг сонжихгүй өнгөрч болно гэж үү
Ийм саруул үгсийг сонсохгүй орхино гэж үү
Дх: Тийм сайхан бүсгүйг харахгүй байж чадахгүй
Тийм сайхан бүсгүйг харахгүй байж чадахгүй
Сэтгэл зүрхний гүнээс оргилон гарах хүслээн би яах вэ
Санах тусам бачуурах өөрийгөөн би яах вэ
Ийм сайхан хацрыг үнсэхгүй өнгөрч чадна гэж үү
Ийм донжтой харцыг үгүйлэхгүй орхино гэж үү
Ийм сайхан уруулыг шимэлгүй өнгөрч болно гэж үү
Ийм тансаг учирлыг санахгүй орхино гэж үү
Дх:
үглэл:
Энэ сайхан охидыг үнэхээр харахгүй байхын аргагаүй
Зөрөөд өнгөрөх дөхнө эргэж харна баараггүй
Юу гэвэл тэр харцных нь донж нь
Энэ бүсгүйчүүдийг урд хойноос нь сонжино
Энэ бүсгүйчүүдийг харцаараа дагуулаал
Мөрөөдөл маягтай бодлоо би агуулаал
Тэднийг харахаар зүрх сэтгэл минь гундана
Нүд уначих дөхнө энэ охидын дунд нь
Ийм түмэн үзэсгэлэнг мэдрэхгүй байхын аргагүй
Ийм сайхан жаргалруу шунан дурлахаас буцахгүй
Ийм ховорхон бал бурмыг амтлахгүй байхын аргагүй
Ийм сайхан бүсгүйд дурлахгүй байж чадахгүй

Хайр гэрэлтсэн нүдийг чинь
Харах бүрийдээ дальдравч
Баясан булиглах зүрх минь
Байлдагч чамруу тэмүүлнэ
ДХ: Чи зүрхэнд минь хайрын дөл тусгаж
Чи сэтгэлд минь дурлалын гал бадраана *2
Хүнлэг хайрын шивнээг
Сонсох бүрийдээ ичингүйрэвч
Хүсэн мөрөөдөх сэтгэл минь
Хайртай чамдаа тэмүүлэн
ДХ: *2
Хар нүдэн бүсгүй минь
Хэн хүний үр болоод чи
Онгон хайрыг минь уярааж
Унтах нойрыг хасна вэ
ДХ: Чи уулзахдаа хайрын дээдийг заяаж
Чи учрахдаа жаргал авчирна *2
Янаг хайртай бүсгүй минь
Ямар хүний үр болоод чи
Зүрх минь сэтгэлийг минь дэнслүүлж
Зүүд нойронд минь учрна вэ
ДХ: *3

Хэсэгхэн зовлонгийн салхинд
Хэзээд чи намайг орхихгүй ээ
Хэцүүхэн амьдралын бартааг хамт туулахдаа
Хэзээ ч гараас минь тавихгүйд чинь
Өнгө мөнгөний зуурдын гялбаанд
Өртөөд чи дагаад сохрохгүй
Хоромхон жаргалын амт хоосон бусад мөрөөдлөөр
Хэрхэвч намайгаа солихгүйд чинь
Дх: Би чамдаа итгэдэг
Бүүр ч ихээр бас хайрладаг
Би хайраа дээдэлдэг хонгорхон бүсгүй минь
Би чамдаа итгэдэг
Бүүр ч ихээр бас хайрладаг
Би хайраа дээдэлдэг хайрт минь
Дэндүү жаргалын тэнгэрт
Дэрвээд чи дуулаад нисэхгүй
Үнэн сэтгэлээ чин зүрхний хайраа
Үүрд мартахгүй гэдгийг чинь
Дх: *3

Аялан дуулах чиний минь хоолойтой
Адилхан өнгөөр уянгалан ганганаад
Алаг нүдний сормуус шиг дэрвээд
Аглаг тал дээгүүр шувууд буцлаа
ДХ: Амраг минь чи минь дуугаа дуулаач
Аяны шувуудыг эргэн иргэтэл дуугаа дуулаачээ
Зэллэн ниссэн шувуудын цуваа
Зэрэглээ татан алсыг зориход
Чихэнд хоногшсон чиний минь дуу
Сэтгэлд шингэн уянгатай сонсогдоно
ДХ:
Хөмсгөн сарыг дамжин өртөөлөөд
Хөвөн үүлсийн сиймхийг чиглээд
Хөхрөн униартах тэнгэрийн хаяа руу
Хөөрөн нисээд шувууд буцлаа
ДХ: *2

Амьдрал гэдэг диваажин биш шүү дээ
Хүн гэдэг чинь гэгээн бурхан биш шүү дээ
Орчлон хорвоо дээр бүтэхгүй зүйл гэж байдаг юм
Хагацахгүй хосууд учрахгүй хоёр гэж байдаг юм
Учралт хоёр нь чи бид хоёр уу

Дх: Гэхдээ хүний амьдрал гэдэг
Татаад бэхэлсэн утас биш ээ *2

Жаргал зовлон хамт энэ хорвоо дээр
Жаргалыг би чамдаа хоосон амлахгүй дээ
Орчлон хорвоо дээр бүтэхгүй зүйл гэж байдаг юм
Хагацахгүй хосууд учрахгүй хоёр гэж байдаг юм
Учралт хоёр нь чи бид хоёр уу
Дх:
Гай гэдгийг хэзээ ч хүсэхгүй шүү
Зовлонг би яасан ч өөрөө би дуудахгүй дээ
Орчлон хорвоо дээр бүтэхгүй зүйл гэж байдаг юм
Хагацахгүй хосууд учрахгүй хоёр гэж байдаг юм
Учралт хоёр нь чи бид хоёр уу
Дх:

Чиний нүдийг сайхан гэдэг
Сэтгэл татах лад увидас нуугдсан
Чиний сэтгэл уярам зөөлөн
Шивнэх салхи бороог зүйрлэмээр
Бусдаас чамайг онцгой гэвэл
Бүхнээс илүү хайлан дуралмаар
Бүхэл шөнөжин энхрийлэн тэвэрмээр
Бусдын харцнаас хармалан халхалмаар
Өмнө минь чи тэр өдөр байгаагаараа
Нүдрүү минь ширтэн зогсоход
Цаг хугацаа зогсож чамдаа дуралсан юм шүү
Дахилт: Би ганцаараа чиний сайхныг олж харсан
Чи харцаараа зүрхийг минь булаасан
Ийм л хайрыг зүрх минь надаас хайж байсан болохоор
Ийм л хайрынхаа өмнө үнэнчээ амлая чамдаа
Намайг ширтэх чиний минь харц
Халуун хайраар дүүрэн байдаг
Намайг үнсэх зөөлөн уруулд чинь
Хайр нь бас шингэсэн санагддаг
Мөч бүхэнд хайрлан санадаг
Миний л мэдэх хамгийн сайхан
Зөөлөн булбарай сэтгэл чинь
Зөвхөн зүрхний минь гүнд уусчээ
Өмнө минь чи тэр өдөр байгаагаараа
Нүдрүү минь ширтэн зогсоход
Цаг хугацаа зогсож чамдаа дуралсан юм шүү
Дахилт: Би ганцаараа чиний сайхныг олж харсан
Чи харцаараа зүрхийг минь булаасан
Ийм л хайрыг зүрх минь надаас хайж байсан болохоор
Ийм л хайрынхаа өмнө үнэнчээ амлая чамдаа
Амлая чамдаа ахиад хэзээ ч үгүй ганцхан одоо амлая
Анх харсан харцыг чинь зүрхэндээ
Анх амталсан жаргалыг сэтгэлдээ хадгалъя
Дахилт: Би ганцаараа чиний сайхныг олж харсан
Чи харцаараа зүрхийг минь булаасан
Ийм л хайрыг зүрх минь надаас хайж байсан болохоор
Ийм л хайрынхаа өмнө үнэнчээ амлая чамдаа

Алтан хавчаараар хавчсан үсээр чинь
Аясын салхи наадан тоглоно
Ариун дурлалын жаргалыг эдлээд
Амраг чамайгаа налан суух юмсан

ДХ: Уярам дөлгөөн нүдний чинь харц
Ухаараач гэх шиг намайг ширтэнэ
Уярам дөлгөөн нүдний чинь харц
Ухаараач гэх шиг намайг ширтэнэ

Хөвөн зөөлөн чиний ааштай
Хөөрхөн царай чинь төгс хосолжээ
Үнэн сайхан чинь хорвоог уяраасан
Үеийн залуусыг өөртөө татжээ

ДХ:

Хэрвээ чи над руу харах юм бол
Миний сэтгэл баясна

Хонин цагаан үүл нь ээ хөө
Хувирч сэмрээд нүүлээ дээ хөө
Хонгор жаалхан чамтайгаа би ай хөө
Ханилахын заяа ч дутлаа даа хөө

Наадан тоглох нүд чинь ээ хөө
Нүглийг ч мартмаар тормолзоно доо хөө
Найдан дассан сэтгэл минь ай хөө
Насан туршдаа ганцаараа хөө

Цайдам хээрийн салхи нь ээ хөө
Цагийг элээж урсана даа хөө урсана даа
Цайлган томоогүй амраг минь ай хөө
Цээжинд үүрд хоногшиноо хөө

Тосоод ирсэн тавилангаас нь хөө
Тойрч гарахын аргагүй дээ хөө аргагүй дээ
Торомгор жаахан амраг минь чамаасаа
Тасраад одохын ч аргагүй дээ хөө

Зүрхнээс хайлан ундрах
Зүйргүй ялдам аялгуунд
Уяран бүжих
Турьхан танхилхан бие
Жаргалтай мөч
Зуурдын алтан гялбаа
Заяаны тэнхлэгээ
Эргэтэл энхрийлж явна
Хайрын дуу
Миний хүслийн дуу
Халуухан бодлын аялгуунд
Хослон наадсан
Хайрын минь дурсамж
Уйтгар баяр ээлжлэн
Зүрхийг минь халгиасан
Ерөөл тавилан
Ертөнцийн өнгө будаг
Чинхүү хайр
Чамаас эхлэх ундрагатай
Нартаас буцан буцтал
Бодолд оршино
Хайрын дуу
Миний хүслийн дуу
Халуухан бодлын аялгуунд
Хослон наадсан
Хайрын минь дурсамж

Нүүрнээс чинь туяа цацарч нэвт гийгүүлнэ
Нүднээс чинь гэрэл бадарч толь томруулна
Зүрхэнд чинь лянхуя дэлгэрч нэвт харагдна
Зүүдэнд минь наран мандуулж сүлд сэргээнэ

Аяа уяхан хорвоон хань мину зээ
Аяа учран жаргах хайр мину чи

Аашаар чинь орчлон баясаж од мишээнээ
Ажлаар чинь олон бахдаж сод жишээлнэ
Санаанд чинь дэлхий дэвтэж навч нахиална
Саруулд чинь дэнлүү асаж өвч гялбаана

Аяа уяхан хорвоон хань мину зээ
Аяа учран жаргах хайр мину чи

Золбоор чи түүний зүрхэнд оч үсрээснээ
Золоор би түүний эрхэнд орж бишрээнэ
Ашгүй чи ариун журмаа надад хүртээснээ
Азтай би халуун илчийг нь олж гялайжээ

Аяа уяхан хорвоон хань мину зээ
Аяа учран жаргах хайр мину чи

Ээрэм талын сэвэлзүүр салхи
Эцэж ядраад амарсан юм уу?
Амраг хосын яриаг сонсохоор
Амьсгаа даран чагнасан юм уу?

Улаанбаатарын үдэш намуухан намуухан
Учирахын болзоонд залуус яруухан

Ханш нээсэн дөлгөөн хаврын
Хайраа илчилсэн дулаан орой
Халуун мөрөө түшилцэн алхаж
Харьшгүй цэнгэлийг амсан суухад

Улаанбаатарын үдэш намуухан намуухан
Учирсан хоёрын яриа аядуухан

Охюу тэнгэрийн одод түгээд
Орон байрын гэрэл цацраад
Ижил хосын яриа өнгөтэй
Итгэл баярын аялгуу дуурсаад

Улаанбаатарын үдэш намуухан намуухан
Угтах ирээдүй даанч яруухан

Уудамхан гудамжаар алхалж явахад
Улиангарын навчсаар салхи нь наадаад
Улаанбаатарын минь тунгалаг агаар
Уушиг цээжийг тэнийлгэн сэвших нь таатай

Ай хөө зээ хөө
Ай хөө зээ хөө
Улаанбаатар минь агаартай

Сүрлэгхэн жавхланг нь бишрэн харахад
Сүндэрлэсэн ордос туяа цацаад
Сүхбаатарын маань цэлгэр талбай
Сүслэх зүрхийг илбэнхэн таалах бахтай

Ай хөө зээ хөө
Ай хөө зээ хөө
Улаанбаатар минь гэгээтэй

Ялдамхан амрагтайгаа цэнгэн зорчиход
Яруухан хөгжмийн эгшиг зохиод
Ярайх хотын маань тэнүүн магнайд
Ямагт баярын солонго эргэх золтой

Ай хөө зээ хөө
Ай хөө зээ хөө
Улаанбаатар минь баясаатай

Ариухан цэцэрлэгт нь амран суухад
Агарваа занданы анхилга сэнгэнээд
Рашаан булгилах булгийн сангаас
Арван зүгтээ солонго нь татах хавтай

Ай хөө зээ хөө
Ай хөө зээ хөө
Улаанбаатар минь дэвжээтэй

Хоргодсон сэтгэлээрээ эргэн санахад
Холдох чиг тусам ойрхон болдог
Хотол нийслэлийнхээ илч гэрлээр
Хонгор зул шиг уран биелүү биелнэ

Ай хөө зээ хөө
Ай хөө зээ хөө
Улаанбаатар минь ивээлтэй
Ай хөө зээ хөө
Ай хөө зээ хөө
Улаанбаатар минь ивээлтэй