Монгол дууны үг, шүлэгүүд
Одоогийн байдлаар нийт

Наагий - Чамайг хүлээнэ

3:24 PM
Ирэх цаг чинь итгэлтэй минь нисэн одсон
Ирмүүн цаг чинь чамайг хөтлөөд явсан
Танхил харц чинь танил харц болж өөрчлөгдсөн
Эрхэлж дуудах үг чинь хөндий хоосон өөр болсон
Энхрий царайг чинь бусдаас хайн
Эмтрэх зүрхээ барьж ядна

Үлдээч хайрт минь гэж бодолдоо гуйна
Үүрдийн ногоон мод шиг мөнхийн хайрыг хүснэ
Намайг баясгах инээд чинь өөр хүнийг хөгжөөнө
Насан туршдаа хамт байна гэж би төсөөлсөн
Ялдам цэцэгсээс үнэрийг чинь хайн
Ядсан зүрхээ тогтоож чадна

Мартахгүй ээ чамайг би
Мартахгүй ээ хайраа би
Сэтгэлд минь асаатай
Мөнхийн зулаа унтраахгүй ээ
Чамайг хүлээнэ (ммм-ммм)
Чамайг хүлээнэ (ммм-ммм)

Аз жаргалтай төгсгөл үлгэрт байдаг шиг
Ариун сэтгэлийг чинь би зурмаар байна
Асаж төөнөх хүслээ ахиад салхиар дэвүүрдэнэ
Алдсан хайраа буцаах сахиуст тэнгэрийн урд сөгдөнө
Бороон дуслуудаас нулимсыг чинь хайна
Бачимдсан зүрхээ барьж чадна

 Мартахгүй ээ чамайг би
Мартахгүй ээ хайраа би
Сэтгэлд минь асаатай
Мөнхийн зулаа унтраахгүй ээ
Чамайг хүлээнэ ммм-ммм (ммм-ммм)
Чамайг хүлээнэ ммм-ммм (ммм-ммм)

Март гээд мартахгүй
Боль гээд болихгүй
Дассан сэтгэлийг хорьж чадахгүй
Чамайг би хүлээнэ
Чамайг би хүлээнэ

Зогс гээд зогсохгүй
Буц гээд буцахгүй
Цаг хугацааг би буцааж чадахгүй ээ
Чамайг би хүлээнэ
Чамайг би хүлээнэ
Read On 0 - сэтгэгдэл

Ариунаа - Дурлал хайрыг минь дамжуулаасай

3:21 PM
Шивнэн шивнэн ярьсан найз чинийхээ үгийг
Чагнан чагнан сонссон намрыг оройг санаж байна уу
Бургас хажууд нь найгасан
Болжмор дэргэд жиргэсэн
Ийм л газар байсан сан
Ийм л оройг санаж байна уу

Дурлаад өгсөн захидал чинь
Өвөрт минь одоо явсаар байна
Дурсгаад өгсөн зураг минь
Өөрт чинь одоо байгаа юу

ХҮссэн хайрт минь наддаан ирж
Хүлээсэн сэтгэлийг минь баясгаасай
Дуулсан дуу минь чамд минь хүрж
Дурлал хайрыг минь дамжуулаарай
Read On 1 - сэтгэгдэл

Ариунаа - Дурлал шиг асна

3:19 PM
Улаан шаргал нар нь тэртээ алсаас мандахад
Цэнхэр өнгийн одноос хөх навчис хийснэ
Чамайг зүүдлэн би үүлэн дээр сэрхэд
Чин хайрын аялгуу дэргэдүүр минь урсанаа
Нойрсноос дөнгөж сэрээд доошоо би харахад
Номин цэнхэр хот хөл доор минь үзэгдлээ
Шар өнгийн гэрлүүд тэртээ доор гялалзаад
Чин хайрын үгсээ салхинд би шивнэнэ
Baby би наранд ойрхон байна
May be би үүлэн дээр унтаж байна /2х/
Чин хайрын үгсээ салхинд би шивнээд
Чиний сэтгэлийн орон зайд уусан орлоо
Хөх цэнхэр аялгуу аяархан холдоод
Чи бид хоёр дуу шиг нисэн одноо
Baby би наранд ойрхон байна
May be би үүлэн дээр унтаж байна /2х/
Baby /oh baby/ би дуу шиг дүүлэн байна
Baby /oh baby/ Би дурлал шиг асч байна
Өндрөөс өндөрт нисэх гэрлийн үзүүрт
Өөрөөсөө тасран би дүүлэн байна
Мөрөөдлийн тэнгэрт нисэх хүслийн дуугаа
Хайраараа хөглөн од болгон чамдаа өгөе өө
Baby би наранд ойрхон байна
May be би үнэндээ унтаж байна /2хэл/
Baby /oh baby/ би дуу шиг дүүлэн байна
Baby /oh baby/ Би дурлал шиг асч байна
Read On 0 - сэтгэгдэл

Ариунаа - Дурлалын хөгжим

3:18 PM
Аялгуунд минь янаглал байдаг
Асан дүрэлзэх гал шиг бадардаг
Илчээрээ би чамайг далладаг
Инээдээр чи цангаж явдаг
Өдөр шөнөөр нойр минь хулждаг
Үгүйлсэн сэтгэлдээ чи л дутдаг

Дахилт
Биеийг минь хөглөчихдөг шидтэн
Би дурлалын хөгжим юмаа
Ганцхан чамаар эгшиглэдэг
Газрын амьд аялгуу юм

Дутсан сэтгэлдээ чамайгаа би урьдаг
Дурсамж урласаар чи минь залардаг
Гол мөрөн шиг харц чинь надаас
Гоо ариуныг надад шивнэдэг
Амьсгаа чинь хүртэл дэргэд хонодог
Амталсан бодолдоо би согтуу байдаг

Дахилт

Биеийг минь хөглөчихдөг шидтэн
Би дурлалын хөгжим юмаа
Ганцхан чамаар эгшиглэдэг
Газрын амьд аялгуу юм

Дахилт
Read On 0 - сэтгэгдэл

Ариунаа - Жинжиймаа

3:16 PM
Дуулахад хувьтай амьдралын
Уйлаад яаж барахавдээ
Тунгалаг хархан нүдэндээ
Инээх тавьлан үлдээдээ

Ай хөөрхий Жинжиймаа
Алаг нүдэн Жинжиймаа
Тунчиг хөөрхөн Жинжиймаа
Тунгалаг нүдэн Жинжиймаа

Нүдэнд минь ойрхон ургасан
Нүгэлгүй ариун цэцгүүдээ
Хар сарнайтай өтөлсөн
Харцны өнчин ангируудаа

Ай хөөрхий Жинжиймаа
Алаг нүдэн Жинжиймаа
Тунчиг хөөрхөн Жинжиймаа
Тунгалаг нүдэн Жинжиймаа

Дуугүй байх ч яахавдээ
Нүдэнд минь харагдсан яваасай
Дуулаад дуусашгүй дуу шигээ
Жаргах цаг нь ирээсэй

Ай хөөрхий Жинжиймаа
Алаг нүдэн Жинжиймаа
Тунчиг хөөрхөн Жинжиймаа
Тунгалаг нүдэн Жинжиймаа
Read On 0 - сэтгэгдэл

Ариунаа - Зүрхэн дуулал

3:15 PM
Өглөөний эртэч шувууд намайг юунд сэрээв дээ
Өдрүүд ээлжлэх орчлон дуунд юунд дурлуулав даа
Өгөөмөр шаргал наран бодолд юунд унагав даа
Өнчин зүрх минь уймарч учрал юунд шаналав даа

Аялгуулаг сайхан жаргалаа
Аргадах хэцүү тавилангаа
Амраг минь
Зөвхөн чамтайгаа хамт туулахсан
Дх: Эхлэл төгсгөлгүй
Хорвоогийн энэ өдрүүдийг
Ихэр халуун
Хайранд сөгдсөөр дуусгана аа
Чин үнэн сэтгэлээ
Энгэр дулаан өдрүүдээ
Ганцхан чамдаа
Харамгүй зориулсан, амьдрал аа
Хувь тавилангийн эзэн минь дурлалд юунд яаруулав
Хулгайлагдсан тэр өдрүүдийн дурсамжийг юунд мартуулав
Хөнгөн гунигтай нvдний харц намайг юунд ширтэнэ вээ
Хөөрхөн ааштай явсан нас минь юунд холдоно вээ
Аялгуулаг сайхан жаргалаа
Аргадах хэцүү тавилангаа
Амраг минь
Зөвхөн чамтайгаа хамт туулахсан
Дх: Эхлэл төгсгөлгүй
Хорвоогийн энэ өдрүүдийг
Ихэр халуун Хайранд сөгдсөөр дуусгана аа
Чин үнэн сэтгэлээ
Энгэр дулаан өдрүүдээ
Ганцхан чамдаа
Харамгүй зориулсан, амьдрал аа
Эхлэл төгсгөлгүй
Хорвоогийн энэ өдрүүдийг
Ихэр халуун
Хайранд сөгдсөөр дуусгана аа
Чин үнэн сэтгэлээ
Энгэр дулаан өдрүүдээ
Ганцхан чамдаа
Харамгүй зориулсан
Амьдралаа, амьдралаа, амьдрал аа
Read On 0 - сэтгэгдэл

Ариунаа - Зүүдний ханхүү

3:13 PM
Зүүдэндээ анх би чамайг харсан
Зөнгөөрөө чамтай учрахаа мэдэрсэн
Дуу хоолойг чинь тодоос тод сонсож
Дүр төрхийг чинь сэтгэлдээ би буулгасан

Удалгүй би чамтайгаа учирсан
Ухаангүй хайраар чамдаа дурласан аа
Зүүдний ханхүү чамайгаа мөрөөдсөөр
Зөвхөн чамайг хайрлана гэж бодсон би

ДХ: Сэтгэлээ би барьж дийлээгүй
Сайн болсноо чамдаа би хэлсэн
Санаанд оромгүй хариуг чи надад өгсөн
Сонсооч хайрт минь би чамд хайртай гэсэн

Намайг дурласныг чи эхлээд мэдрээгүй
Найзаа л гэсэн гэнэн бодлоор явсан
Нүдний минь цаана хайр байсныг чи хараагүй
Намайг сэтгэлээ нээтэл чи мэдээгүй

Сэтгэлээ би барьж дийлээгүй
Сайн болсноо чамдаа би хэлсэн
Санаанд оромгүй хариуг чи надад өгсөн
Сонсооч хайрт минь би чамд хайртай гэсэн
Read On 0 - сэтгэгдэл

Ариунаа - Зөвхөн тэр хайрандаа

3:12 PM
Өөр хэнд ч сөгнөөгүй тийм их хайраар
Өр зүрхэндээ чамайг би хайрлаж явсан
Дуу шиг амьдралын дарсанд согтож
Дурлалынхаа хөлд бүхнийг золиосолж байсан

Ертөнцөд учрахгүй ерөөлт их хайраар
Ер бусын чамайг би хайрлаж явсан
Зүүд шиг амьдралын мананд хөглөгдөж
Зүрхнийхээ гүнд орчлонг багтааж байсан

Дахилт:
Зөвхөн тэр хайрандаа үнэнч үлдэхийн төлөө
Зөнгөөрөө өөртөө ч бм үрэлгэн хандсан
Хайрт минь энэ миний буруу юу
Харалган явсан чиний буруу юу

Мандах нар шиг гэгээн их хайраар
Маргад эрдэнийн чамайг би хайрлаж явсан
Уул шиг амьдралын сүрэнд дарагдаж
Улаан гал шиг уруул минь шатаж байсан

Энэ миний дурлал зүрхнээс минь унадарч
Эзэгнэж байсан чиний зүрхэнд шингэсэн
Сэрүүхэн үдэш саран жаргахад
Сэтгэлийн нулимс орчлонд үерлэж байсан

Дахилт:
Зөвхөн тэр хайрандаа үнэнч үлдэхийн төлөө
Зөнгөөрөө өөртөө ч бм үрэлгэн хандсан
Хайрт минь энэ миний буруу юу
Харалган явсан чиний буруу юу
Read On 0 - сэтгэгдэл

Ариунаа - Ижий минь ирж явна уу даа

3:11 PM
Цэцэгт талын цэнхэр салхи
Чимээ чагнан түр саатах шиг
Нам гүм болох чинь
Ижий минь ирж явна уу даа

Чихний үзүүрт сэвэлзэх
Нутгийн минь тэр салхи
Ивлэсэн сүү шиг болохлоор
Ижийгээ санан үгүйллээ, би

Дх:
Буданд төөрсөн янзага би
Буруу зөвгүй давхих шиг
Буян хурсан тэнгэртээ
Ижийгээ даатган залбирлаа, би

Тэнгэрт нүүх сэмжин үүлс
Тэрхэн агшинд түр саатах шиг
Нартай наадан байх чинь
Ижий минь ирж явна уу даа

Нүдний үзүүрт торолзох
Нүүдлийн шувуу шиг үүлс
Үүлэн зардас шиг болохлоор
Үгүйлэн санах л юм, ээжийгээ

Дх:
Буданд төөрсөн янзага би
Буруу зөвгүй давхих шиг
Буян хурсан тэнгэртээ
Ижийгээ даатган залбирлаа, би

Сэрүүхэн бороотой манан дунд
Ихэр толгод нь сүүмэлзээд
Сэтгэлийн нулимс тогтохгүй нь ээ
Ижий минь ирж явна уу даа

Хоёр нүдний минь нулимс
Энгэр норгоод байх чинь
Хонгор сайхан ижийтэйгээ
Хөтлөлцөөд нэг л алхах юмсан

Буданд төөрсөн янзага би
Буруу зөвгүй давхих шиг
Буян хурсан тэнгэртээ
Ижийгээ даатган залбирлаа, би
Read On 0 - сэтгэгдэл

Ариунаа - Догь байгаа биз

3:08 PM
Чи минь наашаа ирж яваа би мэдэж байна
Чин сэтгэлээсээ яарч яваа би итгэж байна
Аниргүйн дунд ганцаараа чи минь алхаж яваа
Амрагийн дуу аяланхан гүйж яваа би мэдэж байна

Тийм ээ би oнooдoр болзоотой байгаа
Тэгэлгүй дээ бас догь байгаа биз
Тийм ээ би oнooдoр болзоотой байгаа
Тэгэлгүй дээ бас догь байгаа биз
Хайрт минь наашаа ирж яваа би мэдэж байна
Халуун сэтгэлээсээ яарч яваа би итгэж байна
Хавирган сарын нoмoрт л чи минь харуулдан яваа
Хайрын дуу аяланхан гүйж яваа би мэдэж байна

Тийм ээ би oнooдoр болзоотой байгаа
Тэгэлгүй дээ бас догь байгаа биз
Тийм ээ би oнooдoр болзоотой байгаа
Тэгэлгүй дээ бас догь байгаа биз

Тэр минь наашаа ирж яваа би мэдэж байна
Тэнгэрийн дор яарч яваа би итгэж байна
Сэтгэлийн уянга цацруулан чи минь эгшиглэж яваа
Сэргэлэн нүдээ тормолзуулан исгэрч яваа би мэдэж байна

Тийм ээ би oнooдoр болзоотой байгаа
Тэгэлгүй дээ бас догь байгаа биз
Тийм ээ би oнooдoр болзоотой байгаа
Тэгэлгүй дээ бас догь байгаа биз
Read On 0 - сэтгэгдэл

The Wasabies - 'Ү-ГҮЙ'

10:01 AM
Yг, ая: Б. Hаранзун

Биелүүлж чадаагүй амлалтаа чи мартсан
Одоо гэхдээ бүх юм дууссан
Ямар нэгэн тайлбар хэрэггүй
Бие сэтгэл чинь тусдаа болсныг анзаарсан
Түрүүлж түүнийг мэдэрсэн
Бүтэхгүй хайрыг хүсэхгүй

Гишгэсэн мөр чинь дэндүү тод
Гэтэлж чадахгүй бол замаас холд
Хуурамч дүрийг будаад ч нэмэргүй ээ
Хийсэн зүйлээ эргээд бод
Баталж чадахгүй бол дахиад шод
Хагарсан сэтгэлийг наах хэрэггүй ээ

Дахилт:
Дам дам дам яриа, даанч хэрэггүй яриа
Дассан сэтгэлээ хая аа
Дам дам дам яриа, даанч хэрэггүй яриа
Дассан сэтгэлээ хая аа
Сая сая оддын доор
Сая сая хүмүүс хайраа олно
Буцаж ирэхгүй цаг мөчийг хүлээхгүй ээ

Өөр найз охинтой болсон гэж сонссон
Надтай төстэй гэж хэлсэн
Өөрийгөө хуурах хэрэггүй
Өдөр биш шөнөөр мессэж бичих болсон
Тайлбар чинь дэндүү оройтсон
Өнгөрснөө зөвтгөх хэрэггүй

Хийсэн үйлдэл чинь дэндүү шог
Хийсэж одсон цаг бүхэн хог
Хөрсөн сэтгэлийг оролдоод хэрэггүй ээ
Бодсон зүйл чинь чамд л лаг
Буцааж асуухаар тэгээд таг
Хагарсан сэтгэлийг нааж чадахгүй ээ

Дахилт:
Дам дам дам яриа, даанч хэрэггүй яриа
Дассан сэтгэлээ хая аа
Дам дам дам яриа, даанч хэрэггүй яриа
Дассан сэтгэлээ хая аа
Сая сая оддын доор
Сая сая хүмүүс хайраа олно
Буцаж ирэхгүй цаг мөчийг хүлээхгүй ээ

I can live without you

Биелүүлж чадаагүй амлалтаа чи мартсан
Одоо гэхдээ бүх юм дууссан
Ямар нэгэн тайлбар хэрэггүй
Бие сэтгэл чинь тусдаа болсныг анзаарсан
Түрүүлж түүнийг мэдэрсэн
Бүтэхгүй хайрыг хүсэхгүй
Read On 1 - сэтгэгдэл

Ариунаа - Би

9:57 AM
Дахин дахин ирэхгүй он жилүүд хөвөрсөөр
Дан давхар зовлон жаргал яаж ийгээд ээлжилсээр
Ахин ахин төрөхгүй хүний энэхэн орчлонд
Аз тавилан од хийморь нар сар шиг хэрэгтэй
Мөрөөдөн жаргахад хил хязгаар хичнээн үгүй ч
Мөр минь үлдэх дэлхийд зовж би дууслуу
Хүсэн жаргахад хил хязгаар хичнээн үгүй ч
Хүй минь цөглөсөн орчлонд би жаргаж ханалуу

Газар дэлхий дээр
Гайхамшиг ч хуучирдаг юм
Ганц олдсон амьдралаа би
Тэнгэрийн билиг заяа гэж дээдэлнэ

Худал үнэн холилдсон он жилүүд одсоор
Хувь заяа зураг төөрөг яаж ийгээд зөрөлдсөөр
Хар цагаан сүлэлдэх нарны энэхэн амьдралд
Хайр дурлал үнэн сэтгэл нар шиг хэрэгтэй

Мөрөөдөн жаргахад хил хязгаар хичнээн үгүй ч
Мөр минь үлдэх дэлхийд зовж би дууслуу
Хүсэн жаргахад хил хязгаар хичнээн үгүй ч
Хүй минь цөглөсөн орчлонд жаргаж би ханалуу

Амьдралд нэг алхаад гэндэж алдаж харамсаад
Ахин нэг дурсаад дотроо бодон гутраад
Хар цагаан амьдралын тухай миний дуу энэ дуу
Нүгэл буян хорвоод байдаг
Баян ядуу бас ч чадуу
Элээж өнгөрөх тавиландаа
Харамсаад яах вэ насандаа
Маргаашийг бодож амьдрахдаа
Сайхныг төсөөлж явна даа
Хүний энэхэн хорвоогийн
Уудам орчлонгийн нугачаанд
Хүн хүнээ гэсэн сэтгэл байхад
Жаргал ирнэ гэдгийм

Дахилт:

Газар дэлхий дээр
Гайхамшиг ч хуучирдаг юм
Ганц олдсон амьдралаа би
Тэнгэрийн билиг заяа гэж дээдэлнэ
Амьдын хорвоо дээр
Алдар цуу ч хуучирдаг юм
Амгалан төгөлдөр амьдралаа би
Ашдын билиг заяа гэж дээдэлнэ
Read On 0 - сэтгэгдэл

Хамтлаг дуучид


Сэтгэгдэлүүд

Зочид

Бидний лого 2

Бидний лого 2