Монгол дууны үг, шүлэгүүд: Ариунаа - Ижий минь ирж явна уу даа

Цэцэгт талын цэнхэр салхи
Чимээ чагнан түр саатах шиг
Нам гүм болох чинь
Ижий минь ирж явна уу даа

Чихний үзүүрт сэвэлзэх
Нутгийн минь тэр салхи
Ивлэсэн сүү шиг болохлоор
Ижийгээ санан үгүйллээ, би

Дх:
Буданд төөрсөн янзага би
Буруу зөвгүй давхих шиг
Буян хурсан тэнгэртээ
Ижийгээ даатган залбирлаа, би

Тэнгэрт нүүх сэмжин үүлс
Тэрхэн агшинд түр саатах шиг
Нартай наадан байх чинь
Ижий минь ирж явна уу даа

Нүдний үзүүрт торолзох
Нүүдлийн шувуу шиг үүлс
Үүлэн зардас шиг болохлоор
Үгүйлэн санах л юм, ээжийгээ

Дх:
Буданд төөрсөн янзага би
Буруу зөвгүй давхих шиг
Буян хурсан тэнгэртээ
Ижийгээ даатган залбирлаа, би

Сэрүүхэн бороотой манан дунд
Ихэр толгод нь сүүмэлзээд
Сэтгэлийн нулимс тогтохгүй нь ээ
Ижий минь ирж явна уу даа

Хоёр нүдний минь нулимс
Энгэр норгоод байх чинь
Хонгор сайхан ижийтэйгээ
Хөтлөлцөөд нэг л алхах юмсан

Буданд төөрсөн янзага би
Буруу зөвгүй давхих шиг
Буян хурсан тэнгэртээ
Ижийгээ даатган залбирлаа, би

Ариунаа - Ижий минь ирж явна уу даа

Post a Comment

Хамтлаг дуучид

Бидний лого 1

Шилдэг дууны үг, шүлэгүүд

Сэтгэгдэлүүд

Зочид

Бидний лого 2