Монгол дууны үг, шүлэгүүд: Жавхлан

Жавхлан - Зотол хаан

Зорьж гарсан нутаг минь
Зотол Хаан уулаа
Зоргоор өсгөсөн аавын минь
залбирч мөргөсөн хангайдаа
Зээрийн хөлд гижигдүүлсэн
зэрэглээт номин талаа
Зэрэгцүүлж өсгөсөн ээжийн минь
зүүдний цэнхэр нутаг аа

ТооВангийн сүрэг нь тогтож
билчсэн өлгий
Тоорой Бандийн хүлгийн тоос нь
боссон хөндий
Эрийн сүлд оршсон Зотол
хаан уулаа
Ээж ааваас заяасан зүрхний
хайртай нутаг аа

Алсын алсад өндөлзөх
тосон бор уулаа
Ардын дуунд мөнхөрсөн тахилгатай
сүмбэр хайрхан
Таанын үнэрт хөлчүүрхсэн тасын
суудалтай уулаа
Ахин золгохын ерөөлтэй аавын
нүнжигтэй хайрхан

Үг: Б.Буд, Ц.Баттулга
Ая: Б.Есөнжин

Жавхлан - Зотол хаан

Post a Comment

Хамтлаг дуучид

Бидний лого 1

Шилдэг дууны үг, шүлэгүүд

Сэтгэгдэлүүд

Зочид

Бидний лого 2