Монгол дууны үг, шүлэгүүд: Жавхлан

Жавхлан - Шилийн богд

Алтан ганжиртай Алтан овооноос
Адис авч хийморио сэргээмүү
Ашид мөнхийн жаргал билэгдэж
Ая дууны сэржим өргөм үү

Мяралзан бидэртэх мандал дээрээ
Мянган хун хуран чуулдаг
Ариун гангын тунгалаг уснаас
Алгандаа дээдлэн магнайдаа хүргэм үү

ДХ: Дарьганга нутгийн онгон шүтээн
Дархан хилийн мөнхийн харуул
Шилийн эрсийн ариун тангаргатай
Шилийн богд ууландаа мөргөмүү

Тахийн удамтай шандаст хүлгүүд
Талын зоон дээр босоо төрдөг
Уугуул нутгийн цуутай дархчууд
Удам дамжин уран төрдөг

Цэлгэр хөндийн талын агуй
Цээжний гүндэх Торойбандиа
Цэлэлзэн цалигах Холбоо, Дуут нуурууд
Цэнхэртэн харагдах миний нутагаа

ДХ: /2/

Үг: Ц.Баттулга
Ая: Б: Есөнжин

Жавхлан - Шилийн богд

Post a Comment

Хамтлаг дуучид

Бидний лого 1

Шилдэг дууны үг, шүлэгүүд

Сэтгэгдэлүүд

Зочид

Бидний лого 2