Маргааш хурдан болоосой гэж хүсэж байна
Унаанаасаа хоцрох вий гэж яарч байна
Үдийнхээ цайнд амжиж орохоор гүйж байна
Үнэндээ чам руу хүргэнэ гэж итгээд байна
Дотно найзтайгаа уулзах гээд явж байна
Догдлол хүлээлтээ тоочихоор яарч байна
Бороотойд норон норон алхаж байна
Болзож хайрлахаар би яарч байна
Дх: Эрээн тууз гялгар хайрцаг биш ээ
Эндхийн хамгийн чанга тэврэлтийг
Хээнцэр зүүлт амьд цэцэг биш ээ
Хэн нэгний халуухан үнсэлтийг
Үдэш хурдхан өнгөрөөсэй гэж хүсэж байна
Өнөөдрөөсөө хоцрох вий гэж айж байна
Өглөөний хотод хөг нэмэхээр явж байна
Магадгүй энэ бүхэн чамд хүргэнэ
Зүүдэндээ чамд тэврүүлэн эрхэлж байна
Зүрх минь хурдан хурдан цохилж байна
Яаран яаран учрах залуу чамайгаа
Яг хажууд минь байгааг мэдэж байна
Дх: Эрээн тууз гялгар хайрцаг биш ээ
Эндхийн хамгийн чанга тэврэлтийг
Хээнцэр зүүлт амьд цэцэг биш ээ
Хэн нэгний халуухан үнсэлтийг
Хайрлаж болох уу санаж болох уу
Хааяа болзож болох юм уу
Хишгээ ~ Дурлалд би яарч байна
Post a Comment