Монгол дууны үг, шүлэгүүд: Ocean's 11

Ocean's 11 - Мишээл

Амьдрал учралын заяа
Аядуухан түүнтэй учруулсан
Алсын тэртээд хоцорсон ч
Амьсгаа даран дурсах юм даа

ДХ: Эгэл сэтгэлийг уярааж
Тунгалаг ариун өнгөөрөө
Итгэл дурлал бэлэглэсэн
Тэр нэгэн дотно мишээл

Энхрий ялдам чамайгаа
Эрхлүүлж энхрийлж би чадаагүй ч
Амин халуун сэтгэлээ
Ам нээж хэлж амжаагүй ч гэлээ
Чи минь мишээсээр

ДХ: Ус шиг урсан одох цаг хугацаа
Улам чамаас холдуулсаар
Энэрэлт илчээ үлдээсэн
Ивээл дөлгөөхөн мишээл

Аялгуу болгоод эгшиглээд
Айзам эгшигэнд чинь автахсан
Солонго болоод туяараад
Сайхан өнгөнд чинь уусахсан

ДХ: Улирах он цагийн эрхээр
Эргээд учрах тавилангүй ч
Ухаан санаанд гэрэлтсэн
Тэртээд үлдэх мишээл *2

Ocean's 11 - Мишээл

Post a Comment

Хамтлаг дуучид

Бидний лого 1

Шилдэг дууны үг, шүлэгүүд

Сэтгэгдэлүүд

Зочид

Бидний лого 2