Энгэрийх нь үнэр сэтгэлд минь хадаастай
Ижий минь наддаа ганцхан юм шүү
Хайрынх нь үнэр намайг бүүвэйлдэг
Хайртай л ээж минь ганцхан юм шүү
Энгэртээ эрхлүүлж хайрандаа жаргааж болохоор та
Энхрий үрээ элгэндээ тэврэх гэж хүлээж суугаа даа
Нөмөр нөөлгөөр намайг дутаагаагүй
Нүүдлийн шувууд шиг намайг явуулаагүй
Таны дулаахан сэтгэлийн ачыг яаж би хариулж бархав дээ
Энгэртээ эрхлүүлж хайрандаа жаргааж болохоор та
Энхрий үрээ элгэндээ тэврэх гэж хүлээж суугаа даа
Хайраа надаас нугаагүй таны минь тэр сэтгэл
Хаана ч явсан үргэлж бодогдох юм даа
Ээж ээ
Шүлэг тэрлэх тоолондоо би таныг анзаарсангүй
Жинхэнэ шүлгийн утга нь та минь байсан байж
Нисч барамгүй уудам тэнгэр таны минь халуухан сэтгэл байж
Энгэртээ эрхлүүлж хайрандаа жаргааж болохоор та
Энхрий үрээ элгэндээ тэврэх гэж хүлээж суугаа даа
Бичүү ~ Ээждээ зориулъя
Post a Comment