Саргүй шөнийн сувдан шүүдрийг
Шимсэн цэцэгс сэрүүн байна
Сэтгэлтэй чамдаа хэлсэн үгийг
Сэрүүн цэцэгс сонссон болов уу

Сэтгэлтэй чамдаа хэлсэн үгийг
Сэрүүн цэцэгс сонссон болов уу
Сэтгэлтэй чамдаа хэлсэн үгийг
Сэрүүн цэцэгс сонссон болов уу

Улбар туяат үүрийн гэгээг
Угтсан цэцэгс унтаагүй байна
Учралт чамайгаа таалан байхыг
Удвал цэцэгс мэдсэн болов уу

Учралт чамайгаа таалан байхыг
Удвал цэцэгс мэдсэн болов уу
Учралт чамайгаа таалан байхыг
Удвал цэцэгс мэдсэн болов уу

Зургаан сарын наран хураар
Зүйлийн цэцэг өнгөтэй
Зүйтэй чамдаа жаргал ерөөж
Зуны цэцгийн баглаа барья

Зүйтэй чамдаа жаргал ерөөж
Зуны цэцгийн баглаа барья
Зуны цэцгийн баглаа барья
Зуны цэцгийн баглаа барья
Зуны цэцгийн баглаа барья 

Төрсөн нутгийн үзэмж шингээд
Танхилхан чамайг үзэсгэлэн болгожээ
Төрүүлсэн эхийн чинь намба шингээд
Хонгорхон чамайг энхрийхэн болгожээ

Харах тусам нүдэнд өөриймсөг
Хайрлах тусам зүрхэнд хоногшоод
Хайртай болжээ чамдаа би
Ханийн жаргал хайрлааж наддаа

Онгон зүрхний чинь хайрыг амсах гэж
Орчлонд би төрсөн байжээ
Унаган хайраа чамдаа нээгээд
Учран жаргахын тавилан байжээ

Жаргал амлан мэлрэх сайхан нүдний чинь
Хайрын харцыг сэвтээхгүй байя
Замбуулин хорвоог хамтдаа илээх
Ханийн түшиг чамдаа амлая 

Нарлаг монголын цэлмэг тэнгэр доор
Найрамдалт нөхдийн цэнгээнт инээдийн дунд
Баяр хөөртэй сайхан танилцсан
Болгар найз минь сайн байна уу
Болгар найз минь сайн байна уу

Тохилог зуслангийн торгон дэвжээн дээр
Бөхийн барилдааны үзүүр түрүүнд үлдсэн
Цолоо дуудуулж дотно танилцсан
Болгар найз минь сайн байна уу
Болгар найз минь сайн байна уу

Эвсэг Болгарын Софийн тэнгэр доор
Элэгсэг түмний олимпийн наадам дээр
Баяртай золгож барилдах болзоотой
Болгар найз минь сайн байна уу
Болгар найз минь сайн байна уу 

Хааяа хүмүүс надтай дэндүү дотносох юм
Харин хэрэгтэй цагт олдохгүй ховорхон юм
Ингээд бодохоор бусдын амьдралыг давтахгүйгээр
Зөвхөн өөрөөрөө хэзээ ч буцахгүйгээр

Хэрвээ миний өмнө шидтэн гарч ирээд
Чиний нэгэн хүслийг биелүүлж өгье гэсэн ч
Билл Гейтс надад бүх хөрөнгөө өгье гэсэн ч
Өөрийн амьдралдаа сэтгэл дүүрэн байна

Дх:
Хүмүүс надад буруу гэсэн ч өөрийн сонголтоосоо би буцахгүй ээ
Сэтгэл өөдрөг байвал хэзээ нэгэн цагт
Түүний хойноос харамсахгүй ээ
Итгэлтэй юу, нээрээ юу гэж надаас битгий асуу
Зөн совингоороо хэн нэгний хэлсэн үгээр бишээ
Харин яагаад ч юм бэ өөрийнхөөрөө

Алдахаас одоо би ердөө ч айхаа больсон
Амьдралын модонд авирч би өөрийгөө олсон
Цаг цагийн өнгө аясаар хэзээ ч хувираагүй ээ
Цаашлах тусмаа би улам эрч хүчтэй

Дх:
Хүмүүс надад буруу гэсэн ч өөрийн сонголтоосоо би буцахгүй ээ
Сэтгэл өөдрөг байвал хэзээ нэгэн цагт
Түүний хойноос харамсахгүй ээ
Итгэлтэй юу, нээрээ юу гэж надаас битгий асуу
Зөн совингоороо хэн нэгний хэлсэн үгээр бишээ
Харин яагаад ч юм бэ өөрийнхөөрөө

Rap:
Jay-Z шиг би нилээн баян эр
J.Lo шиг хүүхэн миний эхнэр
Dr.Dre, Snoop Dog my friends
Миний машин хамгийн cool Mercedes Benz
Ингэж мөрөөднө, мөрөөдөхөд үнэгүй
Үнэгүй, гэхдээ мөрөөдөөд үр дүнгүй
Өөрөөрөө бай! эсвэл хорвоо дээр үнэ цэнэгүй
Өрөөлийг дуурайгаад өөрийгөө тураагаад нураагаад ёстой хэрэггүй
Ганц олдох насандаа алиа салбадай байх албатай биш
Амьдралдаа чи Хамелеон мэт бусдыг бүү хуул
Хамхуул мэт салхи дагаж бүү хийс
Өөрийн гэсэн хэв маягтай, үндэстэн болгон ёс жаягтай
Quiza-н style image-г чи барахгүй, за баяртай

Дх:
Хүмүүс надад буруу гэсэн ч өөрийн сонголтоосоо би буцахгүй ээ
Сэтгэл өөдрөг байвал хэзээ нэгэн цагт
Түүний хойноос харамсахгүй ээ
Итгэлтэй юу, нээрээ юу гэж надаас битгий асуу
Зөн совингоороо хэн нэгний хэлсэн үгээр бишээ
Харин яагаад ч юм бэ өөрийнхөөрөө 

Амьдарч байсныг минь мэдээгүй ээ чи
Хайрлаж байсныг минь анзаараагүй ээ
Харанхуйд нуугдсан сэтгэлээ би нээж
Хайрын захиагаа нулимсаараа чамд бичнэ

ДХ: Хаалганы чинь цаана даарсан зүрх
Хаашаа цохилдогийг чи мэдэх үү
Чамайг хайрласан тэр л өдрүүд
Ганцхан минийх байлаа
Чиний хэлээгүй хайрын үг цэцэг болон ургасан
Минийх болоогүй чиний өлмийд хайраа би чинь дэвслээ

Зүүдэнд чинь сонсогдсон аялгуу байлаа би
Сүүдэрт чинь нуугдсан гэрэл байлаа би
Эмзэгхэн зүрхэндээ чамайгаа хайрласан
Багынхаа мөрөөдлөөс би аз жаргалаа олсон

ДХ:
Харцанд минь нуугдсан хайрын
Анзаарч хараагүй ч гомдоогүй ээ би
Дурласан бүсгүйн үгийг санаж яваарай гуйя
Хэзээ ч хэн ч чамайг над шиг хайрлахгүй ээ 

Дуулим орчлонгийн намуун үдшээр
Дурдитмал мөнгөн саран гийнэ
Дурлал хайрын минь гэгээн аялгуу
Дуурсан уянгалан зүрхэнд ууслаа

Танго танго учралын танго
Тансагхан ариухан уяралын танго
Танхилхан энхрийхэн бүсгүйн заяаг
Таалан баясанхан цэнгэн бүжгэлцгээе

Дугуй малгайгаа дэгжин тавиад
Дурдан бүсээ ганган ороогоод
Дулаахан харцанд чинь уяран хайлаад
Дуулан дуулан цэнгэн бүжгэлцгээе

Танго танго учралын танго
Тансагхан ариухан уяралын танго
Танхилхан энхрийхэн бүсгүйн заяаг
Таалан баясанхан цэнгэн бүжгэлцгээе

Алтанхан сүйхтэй сүүжин ээмгээ
Амьсгалд чинь бүлээсгэн эрхлэн бүжиглэцгээе
Азын дөрвөн бэрхэн шагайг
Алганд чинь шархиран эрхлэн наадацгаая

Танго танго учралын танго
Тансагхан ариухан уяралын танго
Танхилхан энхрийхэн бүсгүйн заяаг
Таалан баясанхан цэнгэн бүжгэлцгээе 

Цэлмэг тэнгэрийн саран дор
Чилээж л сууна даа сэтгэлээ би
Чимх зуурын зүүд хойроо
Чимж л явна даа чамаараа би

Үд дундын наран дор
Үгсэж л үгүйлж л явна даа чамайгаа би
Үймрэх орчлонгийн түмний дунд
Үймэрч л уймарч л явна даа чамтайгаа би

Дахилт:
Хайраараа харцаараа
Хайрлаж харамлаж явья даа
Зүүдээрээ зөнгөөрөө
Зүрхээн жаргааж явья даа би

Нарны голтой насан дор
Нандигнан явна даа хайраа би
Намрын шувууд шиг хоргодоод
Нойрсож л сууна даа чи бид хоёроо

Халуун дулаан сэтгэл дор
Ханьсаж л хайрлаж л явья даа чамайгаа би
Хожимдож тохиосон учралаа
Хайрлаж л харамлаж явья даа хоёулаа

Дахилт:
Нар сарны ивээл дор
Насны жаргал амтлая даа
Намрын навчистай өдрүүдээ
Наашлуулж л цаашлуулж л дурсья даа

Хонгор сэтгэлийн дор
Ханьсаж л хайрлаж л явья даа чамайгаа би
Хоног үдрийн дурсамжаа
Холдуулж л ойртуулж л бурсья даа хоёулаа
Дахилт: 

Зөөлөн дулаан үг чинь ээ
Зүсэр бороо шимширнэ
Зөрүүлж төөрүүлсэн хоногууд чинь
Зүс биеийг гундаана, гандаана
Өвөр уулын орой бэлээр
Цасан шамрага хаялна, бударна
Үггүй мордсон чиний минь царай
Өнчин саранд сэвхтэн үзэгдэнэ

Үүлээс үүлс сарнисаар үймэрсээр
Өвсний үзүүрт сүүдрээ унагаана
Өрхөө татах болгондоо
Өөрийн бодолдоо бүдэрнэ

Бал анхилсан зуны сараар
Хяруу унахыг мэдсэн бол
Багахан идэр нас л биеэ
Цэнэлгүй өгсөн нь хайлгана, цайлганаа
Навчис унахад шувууд үргэмээр
Намуун үдэш цаанаа л бүүдгэр
Налайж зогссон зулзган хус нь
Намрын бороонд нулимстай цайрна

Үүлээс үүлс сарнисаар үймэрсээр
Өвсний үзүүрт сүүдрээ унагаана
Өрхөө татах болгондоо
Өөрийн бодолдоо бүдэрнэ

Бээрч хоносон хэнзхэн дэлбээ өглөөн наранд бүлээснэ
Бэтгэрч тэнэсэн бодол минь энгэрт шингэн илэрнэ, эгшилнэ
Усанд хөвсөн бүжин саран өнгөн дээрээ мэлтэлзэнэ
Үггүй мордсон чиний минь харц өөдөөс харан харан сууна
Бээрч хоносон хэнзхэн дэлбээ
Өглөөн наранд бүлээснэ
Бэтгэрч тэнэсэн бодол минь
Энгэрт шингэн эгшинэ, илэрнэ
Усанд хөвсөн бүжин саран
Өнгөн дээрээ эмтрэн мэлтэлзэнэ
Үггүй мордсон чиний минь харц
Өөдөөс халиран дальдчин мэлэрнэ

Үүлээс үүлс сарнисаар үймэрсээр
Өвсний үзүүрт шүүдрээ унагаана
Өрхөө татах болгондоо
Өөрийн бодолдоо бүдэрнэ

Навчис унахад шувууд үргэмээр
Намуун үдэш цаанаа л бүүдгэр
Налайж зогссон зулзган хус нь
Намрын бороонд нулимстай цайрна
Бээрч хоносон хэнзхэн дэлбээ өглөөн наранд бүлээснэ
Бэтгэрч тэнэсэн бодол минь энгэрт шингэн илэрнэ
Усанд хөвсөн бүжин саран өнгөн дээрээ мэлтэлзэнэ
Үггүй мордсон чиний минь харц өөдөөс харан харан сууна

Үүлээс үүлс сарнисаар үймэрсээр
Өвсний үзүүрт шүүдрээ унагаана
Өрхөө татах болгондоо
Өөрийн бодолдоо бүдэрнэ 

Уйлж гундан гуниглахад уруул дэвсэн
Ухаангүй загнахад минь зэмлэсэн
Эндүүрч алдахад минь эрхлүүлж эвдээгүй
Хайраа хувааж өвдсөн миний ээжий
Хайлган ээжий
Алдаа нэхэх нулимсаа нууж инээгээд
Аргаа баран сөгдөхөд минь үнэнийг заасан
Нөмгөн гүйхэд минь нууцхан шаналсан
Хайраа дэвсэн угтсан миний ээжий
Хайлган ээжий
Уйтай бодлын харгуйд хайраа нууж зэмлэхдээ
Учгийг нэхэн аргадаж сэтгэлийн үүдийг нээсэн
Эндүүрч алдахад минь эрхлүүлж эвдээгүй
Хайраа дэвсэн угтсан миний ээжий
Хатан ээжий
Миний ээжий

Хайр нэхэн гуниглахад намайг аргадсан
Хатуужин босоход минь дэмнэсэн
Хослох жигүүрээ хувааж тэнцүүлсэн
Үүлнээс айдаг уяхан сэтгэлт ээжий
Миний ээжий
Алдаа нэхэх нулимсаа нууж инээгээд
Аргаа баран сөгдөхөд минь үнэнийг заасан
Уургаар цатгаагүй ч ухаанаараа уясан
Саргүй шөнөөр саатан ханисах ээжий
Сайхан ээжий
Уйтай бодлын харгуйд хайраа нууж зэмлэхдээ
Учгийг нэхэн аргадаж сэтгэлийн үүдийг нээсэн
Уургаар цатгаагүй ч ухаанаараа уясан
Хайраа дэлгэн ирсэн миний ээжий
Хатан ээжий
Уйтай бодлын харгуйд хайраа нууж зэмлэхдээ
Учгийг нэхэн аргадаж сэтгэлийн үүдийг нээсэн
Эндүүрч алдахад минь
Эрхлүүлж эвдээгүй ч
Хайраа дэвсэн угтсан миний ээжий
Хатан ээжий
Ээжээ тандаа би хайртай… 

Зүүн уулын солонго нь баруунаа татсан ч яахав дээ
Зүүдлээд л сэрэхэд минь миний ээжий
Дэргэд минь л байвал жаргалтай

Дутуутай, хатуутай хорвоод нь бүтэн жаргаагүй ч яахав дээ
Дууны мөнхийн эхлэл шиг миний ээжий
Үрдээ харагдаж л байвал жаргалтай
Миний ээжий мөнхийн энэрэл
Санаанд минь гийсэн
Саран ээжий
Миний ээжий мөнхийн үнэн
Наранд ганцаардах ертөнц
Миний ээжий

Өдөр өдрийн аашинд нь уйлж гундсан ч яахав дээ
Өмөлзсөн хошуугаа би ээждээ
Үнсүүлж л байвал жаргалтай
Миний ээжий мөнхийн энэрэл
Санаанд минь гийсэн
Саран ээжий
Миний ээжий мөнхийн үнэн
Наранд ганцаардах ертөнц
Миний ээжий

Үүдэн гурван сараас нь нэг нь дутсан ч яахав дээ
Үлгэрийн төгсгөл шиг миний ээжий
Үрдээ л байвал жаргалтай
Миний ээжий мөнхийн энэрэл
Санаанд минь гийсэн
Саран ээжий
Миний ээжий мөнхийн үнэн
Наранд ганцаардах ертөнц
Миний ээжий

Миний ээжий мөнхийн энэрэл
Санаанд минь гийсэн
Саран ээжий
Миний ээжий мөнхийн үнэн
Наранд ганцаардах ертөнц
Миний ээжий 

Цэцгийн дэлбээнд алчуур унагах шиг
Чамдаа би хайраа үлдээлээ
Сэтгэл минь зунаараа дэлгэрсээр байтал
Сэрүү татаад даарах шиг
Сэтгэл минь зунаараа цэцэглэсээр байтал
Сэрүү татаад даарах шиг

Чинийхээ хайрыг би цөхөрлийн дэргэдээс олох гэж үү
Цээжинд чинь зүрхээ нааж амжаагүй үгээ шивнэе дээ
Жаргаагүй үлгэрийн өвөрт чамайгаа тэвэрмээр байна
Сайхан хайр үлдлээ дээ
Жаргаагүй үлгэрийн өвөрт чамайгаа тэвэрмээр л байна
Сайхан хайр үлдлээ дээ

Жаргалын дууг нулимстай дуулах шиг
Залуу нас минь надад цөхөрлөө
Хайр минь хавараараа дэлгэрсээр байтал
Хүний жаргалаас холдох шиг
Хайр минь хавараараа цэцэглэсээр байтал
Хүний жаргалаас холдох шиг

Чинийхээ цөхөрлийг би нулимсны чинь төгсгөлөөс харах гэж үү
Зүрхэнд чинь хацраа нааж хэлж амжаагүй үгээ шивнэе дээ
Жаргаагүй үлгэрийн өвөрт чамайгаа тэвэрмээр л байна
Сайхан хайр үлдлээ дээ
Жаргаагүй үлгэрийн өвөрт чамайгаа тэвэрмээр л байна
Сайхан хайр үлдлээ дээ
Жаргаагүй үлгэрийн өвөрт чамайгаа тэвэрмээр байна
Сайхан хайр үлдлээ дээ
Жаргаагүй үлгэрийн өвөрт чамайгаа тэвэрмээр байна
Сайхан хайр үлдлээ дээ 

Гунигийн бороо зүрхэнд шивэрсэн ч
Сэтгэлийн чинь нөмөрт дандаа дулаацсан
Амьдралын салхин бодлыг жиндүүлсэн ч
Алдарч үзээгүй итгэлд хөглөгдсөн
Хатуу бүхнээс халгаж бүдрэхэд
Хайраараа аргадан намайг чи тоссон

Амьдралаас юунд ихийг хүсээ вэ
Аз жаргал ойрхон л байж дээ
Тэгтлээ их хайсан тэр аз жаргалынхаа
Тэвэрт нь би өөрөө ямар их төөрөө вэ
Хорвоогоос юунд ихийг хүсээ вэ
Хүсэл мөрөөдөл ойрхон л байж дээ
Дэндүү их хайсан тэр аз жаргалынхаа
Дэргэд нь би өөрөө ямар их төөрөө вэ

Дэврүүн хүслийн жигүүр цуцахад
Дэргэдээс минь чи дандаа намайг түшсэн
Тэнэгхэн надаасаа хайраа буруулалгүй
Тэвчээрийн хүлээсээ чи таслаагүй
Чиний минь уярам дөлгөөхөн харцанд
Чимээгүйхэн зэмлэх ухаарал байсан

Амьдралаас юунд ихийг хүсээ вэ
Аз жаргал ойрхон л байж дээ
Тэгтлээ их хайсан тэр аз жаргалынхаа
Тэвэрт нь би өөрөө ямар их төөрөө вэ
Хорвоогоос юунд ихийг хүсээ вэ
Хүсэл мөрөөдөл ойрхон л байж дээ
Дэндүү их хайсан тэр аз жаргалынхаа
Дэргэд нь би өөрөө ямар их төөрөө вэ
Дэргэд нь би өөрөө ямар их төөрөө вэ…