Монгол дууны үг, шүлэгүүд: Болд

Сэтгэлдээ нартай яваа нэгнийгээ
Сайхан халуун урмын үгээр тэтгээрэй
Асаж байгаа галын дөл дээр
Усан нулимс унагахгүйгээр
Алтан нарыг чиглэн хамтдаа ургаарай

Атаархлын бараан сүүдэрт даарахдаа
Андынхаа мөрөөр чангахан тэврээрэй
Дэмээр эвлэх хорвоод биесээ
Түшиж явахад гэрэл ойрхон
Түнэр шөнөөр ч саран гийдэг юм шүү дээ

ДХ: Хүн өөрөө хайрын ургамал
Хайр өөрөө сэтгэлийн бурмаар
Тэжээгдэж
Тэтгэгдэж ертөнцөд амьдрах хүчийг олж авдаг юм

Мөнх амьдрах биш дээ хүний хорвоо дээр
Мөрөөдлөөрөө чи тэр бүхнийг бүтээгээд
Өнгө өнгийн жаргал бүхнийг
Өрөөл бусдад түгээгээрэй
Өөрийн гэсэн бүхнээ мөнхлөн үлдээгээрэй

Хайр дурлал аз жаргал бүхэн бидний замд
Гараа өргөөд чамайг намайг хүлээж байна
Хамгийн гол нь чи тэр бүгдийг
Халуун сэтгэлээр тосож аваад
Хан тэнгэрийн нартай цуг мандаарай

ДХ: *2

Хүний амьдрал тэр чигтээ гайхамшиг
Хүрэх газар хол юм шиг ч ойрхон байдаг юм шүү
Сайн явахад минь атаархал биш
Халуун сэтгэлээр тэтгээрэй

ДХ: *2

Үг: С.Энхсайхан
Ая: Д.Болд

Болд - Хайрын ургамал

Post a Comment

Хамтлаг дуучид

Бидний лого 1

Шилдэг дууны үг, шүлэгүүд

Сэтгэгдэлүүд

Зочид

Бидний лого 2